કઠોળના ભાવ, જે છેલ્લા એક વર્ષમાં ઊંચા સ્તરે હતા, તે ઊંચા ખરીફ પાકની સંભાવનાને કારણે આવતા મહિનાથી નરમ થવાની શક્યતા છે તેમ ગ્રાહક બાબતોના મંત્રાલયે જણાવ્યું હતું. જુલાઈથી તુવેર, અડદ અને ચણાના ભાવ જે ઊંચા સ્તરે છે તે નરમ થવાની શક્યતા છે. તુવેર, ચણા અને અડદની દાળના ભાવ છેલ્લા છ મહિનામાં સ્થિર છે પરંતુ ઊંચા સ્તરે છે જ્યારે મગ અને મસુર દાળની જાતોના ભાવ આરામદાયક સ્થિતિમાં છે.
મધ્યમ ગાળામાં ક્ડ ૬૦ ડોલરની આસપાસ રહેશે.
નાણાંકીય અને ચૂકવણીના સંતુલન મોરચે ભારત માટે એક સારા સમાચાર છે. વિશ્લેષકો અપેક્ષા રાખે છે કે ક્રૂડ ઓઈલના ભાવ મધ્યમ ગાળામાં નીચા આવશે અને ૨૦૨૫ની શરૂઆતમાં ૬૦ ડોલર પ્રતિ બેરલ જેટલા નીચા સ્તરે સ્થિર ઉતરી આવશે. આ એવું પણ છે જ્યારે બ્રેન્ટે પાછલા સપ્તાહમાં લગભગ ૪.૫%નો વધારો નોંધાવ્યો હતો. પેટ્રોલિયમ નિકાસ કરતા દેશોના સંગઠન દ્વારા સપ્ટેમ્બર ૨૦૨૪ સુધી દરરોજ ૨.૨ મિલિયન બેરલ (bpd) ના સ્વૈચ્છિક કટ ચાલુ રાખવાનો નિર્ણય.
ભારત અને EU વચ્ચે CBAM પર ચર્ચા.
ફ્રી ટ્રેડ એગ્રીમેન્ટ વાટાઘાટોના આઠમા રાઉન્ડ પહેલા, ભારત અને યુરોપિયન યુનિયન (ઈયુ) એ કાર્બન બોર્ડર એડજસ્ટમેન્ટ મિકેનિઝમ (CBAM) અંગે ભારતની ચિંતાઓની ચર્ચા કરી છે. ઈયુ જાન્યુઆરી ૨૦૨૬થી કાર્બન બોર્ડર એડજસ્ટમેન્ટ મિકેનિઝમ લાગુ કરવાની યોજના ધરાવે છે. ભારત અને યુરોપિયન યુનિયન વચ્ચે ફ્રી ટ્રેડ એગ્રીમેન્ટ વાટાઘાટોનો આઠમો રાઉન્ડ ૨૪ થી ૨૮ જૂન દરમિયાન બ્રસેલ્સમાં યોજાવાનો છે.