સેટ પરથી ફોટોશૂટની તસવીરો જારી કરી.સિકંદરની રાહ જોઈ રહેલા ચાહકો કિક ટૂની એનાઉન્સમેન્ટથી આનંદમાં.
સલમાન ખાનના ચાહકો તેની ‘સિકંદર’ ફિલ્મની રાહ જોઈ રહ્યા છે તેવા સમયે જ સલમાને પોતે ‘કિક ટૂ’ ફિલ્મની પણ જાહેરાત કરતાં તેના ચાહકો ખુશીથી ઝૂમી ઉઠયા હતા. સલમાને ફિલ્મના સેટ પરથી ફોટોશૂટની તસવીરો જાહેર કરી હતી. તે સાથે જ તે ‘કિક ટૂ’માં કામ કરી રહ્યો હોવાનું કન્ફર્મ થયુું હતું. સલમાનની ‘કિક’ ફિલ્મ ૨૦૧૪માં રીલિઝ થઈ હતી. તે સલમાનની પહેલી એવી ફિલ્મ હતી જેણે ૨૦૦ કરોડનો બિઝનેસ કર્યો હતો. ફિલ્મમાં તેની હિરોઈન જેક્લિન ફર્નાન્ડિઝ હતી. આ ઉપરાંત નવાઝુદ્દિન સિદ્દીકી પણ મહત્વની ભૂમિકામાં હતો.
સલમાન ખાનની ‘ટાઈગર થ્રી’ ૨૦૨૩માં રીલિઝ થઈ હતી. તે પછી ૨૦૨૪માં તેની કોઈ ફિલ્મ આવી નથી. હાલ તેની ‘સિકંદર’નું શુટિંગ ચાલુ છે જે આવતાં વર્ષે ઈદ વખતે રીલિઝ થવાની છે. સલમાનની કેરિયરનો હાલ બહુ નબળો તબક્કો ચાલી રહ્યો છે અને તે તેના સ્કેલની મોટી સફળ ફિલ્મ માટે લાંબા સમયથી રાહ જોઈ રહ્યો છે. આ સંજોગોમાં ચાહકોએ અપેક્ષા વ્યક્ત કરી હતી કે પહેલાં ‘સિકંદર’ અને બાદમાં ‘કિક ટૂ’ જેવી ફિલ્મોથી સલમાન સફળતાપૂર્વક રીતે પુનરાગમન કરી શકશે. આ બે ફિલ્મો ઉપરાંત સલમાન સાઉથના ડાયરેક્ટર એટલીની પણ એક એક્શન ફિલ્મ કરી રહ્યો છે.