પોરબંદર શહેરમાં આવેલ મહારાણા આર્ટ ગેલેરી ખાતે ક્રિએટીવિટી આર્ટ ફાઉન્ડેશન દ્વારા ચેરિટી થ્રોવ આર્ટનું આયોજન કરવામાં આવ્યું છે. પેન્ટિંગ, ડ્રોઈંગ, ફોટોગ્રાફી અને ક્લચરનું એક્ઝિબિશન યોજવામાં આવ્યું છે. શનિવારના દિવસે આ એક્ઝિબિશનનો શુભારંભ કરવામાં આવ્યો હતો. જેમાં અલગ-અલગ પ્રકારના 70 પેઇન્ટિંગ મૂકવામાં આવ્યો છે. આ એક્ઝિબિશન 23 માર્ચ સુધી યોજાશે. જેમાં અમદાવાદ, ભાવનગર, સુરત, મુંબઇ અને પોરબંદર સહિતના કલાકારો જોડાયા છે. આ એક્ઝિબિશનના શ્રેષ્ઠ પેન્ટિંગનું વેચાણ થઈ રહ્યું છે જેમાં જે નાણાંની આવક થશે તે વિકલાંગ બાળકોના લાભાર્થે વાપરવામાં આવશે. આ એક્ઝિબિશનનો લાભ લેવા મોટી સંખ્યામાં નગરજનોને અપીલ કરવામાં આવી હતી. આ કાર્યક્રમને સફળ બનાવવા માટે બલરાજ પાડલિયા, કરશનભાઇ ઓડેદરા, સોનલબેન ઓડેદરા વગેરે જહેમત ઉઠાવી રહ્યા છે.