મે મહિનાના છેલ્લા દિવસે એટલે કે 31મીએ બુધ ગ્રહ પોતાની રાશિ બદલી રહ્યો છે. મેષ રાશિમાંથી નીકળીને બુધ બપોરે 12.20 કલાકે વૃષભ રાશિમાં ગોચર કરશે. ત્યાર બાદ તે 15 દિવસ સુધી વૃષભ રાશિમાં રહેશે. એ પછી 14 જૂને રાત્રે 11: 09 કલાકે બુધ વૃષભ રાશિ છોડીને મિથુન રાશિમાં પ્રવેશ કરશે. જો કે બુધનું વૃષભ રાશિમાં આવવાથી 4 રાશિના લોકોના નસીબમાં ચમકી શકે છે. તેમના ઘણા સ્વપ્ન એકસાથે પૂરા થવાની સંભાવના છે. જ્યોતિષ શાસ્ત્રના કહેવા પ્રમાણે મેષ સહિત 4 રાશિના લોકો માટે બુધની શુભ અસર ખૂબ જ લાભદાયી સાબિત થઈ શકે છે. ચાલો જાણીએ કે, વૃષભ રાશિમાં બુધના ગોચરથી કઈ 4 રાશિઓને લાભ થવાનો છે.
બુધના ગોચરથી આ 4 રાશિઓનું નસીબ ચમકશે.
મેષ રાશિ:
31 મેના રોજ બુધનું ગોચર મેષ રાશિના જાતકો માટે કોઈ વરદાન જેટલુ કામ કરી શકે છે. એકસાથે તમારા ઘણા સ્વપ્ન સાકાર થઈ શકે છે. તમને તમારા કામમાં સફળતા મળશે. આ સાથે અચાનક આવક વધવાથી નાણાકીય પાસું પણ મજબૂત બની શકે છે. એટલું જ નહીં તમારી વાણીનો પ્રભાવ પણ વધશે. તમે લોકોને જે કહેશો તેનાથી તેઓ પ્રભાવિત થશે.મુશ્કેલ પડકારો સામે જીત મેળવવામાં તમે સફળ થઈ શકો છો. જે લોકોએ હાલમાં જ લગ્ન કર્યા છે તેમના માટે સંતાન પ્રાપ્તિના યોગ બની રહ્યા છે. તો શિક્ષણ અને સ્પર્ધાત્મક પરીક્ષાઓમાં ભાગ લેનારાઓને સારા સમાચાર મળવાની આશા છે. ભાગ્યની સાથે મહેનત કરો.
વૃષભ રાશિ:
જે લોકો વધુ પૈસા કમાવવાનું સ્વપ્ન જોઈ રહ્યા છે, તેમના માટે બુધનું ગોચર સકારાત્મક સંકેતો આપી રહ્યું છે. તમારી રાશિના લોકોની આવક વધી શકે છે, અને તમારી આવકના સ્ત્રોતો પણ વધવાની અપેક્ષા છે. 31 મેથી 14 જૂનની વચ્ચે તમે કોઈ નવું કામ શરૂ કરી શકો છો, તે તમારા માટે લાભદાયક સાબિત થશે.તમને કોઈ સરકારી કામ પણ મળી શકે છે, તેના માટે તમારે પ્રયાસ કરવો જોઈએ. લવ લાઈફ માટે આ સમય ઘણો સારો રહેશે. જીવનસાથી સાથે સમય પસાર થશે. તમારા જીવનમાં કેટલીક યાદગાર ક્ષણો તમારી સામે હશે.
સિંહ રાશિ:
બુધનું આ ગોચર નોકરી અને વ્યવસાય બંનેની દ્રષ્ટિએ શુભ સાબિત થવાનું છે. નોકરી કરતાં લોકોને આગળ વધવાની નવી તકો મળશે. નવી નોકરી માટે ઓફર મળી શકે છે, અથવા તમારી વર્તમાન નોકરીમાં તમારું પદ અને પ્રતિષ્ઠા વધી શકે છે.જે લોકો વિદેશમાં નોકરી કરવાનું સપનું જોઈ રહ્યા છે તેમને સારા સમાચાર મળી શકે છે. તમને વિદેશમાં રહેવાની તક મળી શકે છે. તેના માટે તમારે પ્રયત્નો વધારવા જોઈએ. આ સમય દરમિયાન તમારી પાસે સારી સારી માત્રામાં ધન હોઈ શકે છે. તમારી આર્થિક સ્થિતિ મજબૂત રહેશે. સમાજમાં માન-સન્માન વધશે. પૂજા-પાઠમાં રસ રહેશે.
કન્યા રાશિ:
બુધનું રાશિ પરિવર્તન કન્યા રાશિ માટે સૌભાગ્યમાં વધારો કરનારુ સાબિત થઈ શકે છે. 31મી મે પછી તમને કોઈ મોટું સરકારી કામ મળી શકે છે. તમે ટેન્ડર માટે અરજી કરી શકો છો, તેના માટે આ સમય અનુકૂળ રહેશે. જે લોકો લવ મેરેજ કરવાનું વિચારી રહ્યા છે, તેઓને પણ આ સમયગાળામાં સફળતા મળી શકે છે. લવ લાઈફ માટે આ સમય સારો રહેશે.