પાક કલાકારો પરનો પ્રતિબંધ હટતાં નિર્ણય.આ ફિલ્મમાં વાણી કપૂર તેની હિરોઈન હશે, મોટાભાગનું શૂટિંગ લંડનમાં થવાનું છે.
પાકિસ્તાની એક્ટર ફવાદ ખાન આઠ વર્ષ પછી એક બોલીવૂડ ફિલ્મમાં દેખાવાનો છે એમ કહેવાય છે. ઉરી એટેક પછી બોલીવૂડમાં પાકિસ્તાની કલાકારો પર પ્રતિબંધ લાદી દેવાયો હતો.
જોકે, તાજેતરમાં બોમ્બે હાઈકોર્ટે એક ચુકાદામાં આવા કોઈ પણ પ્રતિબંધને અનુમોદન આપવાનો ઈનકાર કર્યો હતો. તે પછી હવે ફવાદને આ ફિલ્મમાં સાઈન કરવામાં આવ્યો હોવાનું કહેવાય છે. અહેવાલો અનુસાર ફવાદને વાણી કપૂર સાથે એક ફિલ્મમાં સાઇન કરવામાં આવ્યો છે. જેનું નિર્માણ જલદી જ શરૂ થવાનું છે. સૂત્રે એમ પણ જણાવ્યું હતું કે, આ અનટાઇટલ્ડ પ્રોજેકટનું શૂટિંગ લંડનમાં શરૂ કરવામાં આવશે. હાલ આ પ્રોજેકટનું પ્રી-પ્રોડકશન ાકમ ચાલી રહ્યું છે. ફવાદે આ અગાઉ ‘ખુબસુરત’ અને ‘અય દિલ હૈ મુશ્કિલ’ જેવી બોલીવૂડની ફિલ્મોમાં કામ કર્યું હતું.