આલિયા ભટ્ટ અને રણબીર કપૂર વેકેશન મનાવવા દુબઈ ગયા હતા. રણબીર અને આલિયા દુબઈમાં ક્વોલિટી ટાઈમ વિતાવ્યા બાદ ગઈકાલે મુંબઈ પરત ફર્યા હતા. બંને એરપોર્ટ પર સાથે જોવા મળ્યા હતા. રણબીર અને આલિયાના ફોટો અને વીડિયો સોશ્યલ મીડિયા પર વાયરલ થઈ રહ્યા છે. બંનેએ પરત ફર્યા બાદ ફોટો માટે પોઝ પણ આપ્યા હતા. રણબીરના આ પોઝને કારણે તેને સોશ્યલ મીડિયા પર ટ્રોલ કરવામાં આવી રહ્યો છે. રણબીરને જોઈને યુઝર્સને લાગી રહ્યું છે કે તે નશામાં છે. જે બાદ તે ટ્રોલર્સના નિશાના પર આવી ગયો છે. એરપોર્ટ પર આલિયા વ્હાઈટ શર્ટ અને ફ્લોરલ પ્રિન્ટેડ કેઝ્યુઅલ લાઇટ બ્લુ પાયજામામાં જોવા મળી હતી. આ પછી તેણે સ્લિંગ બેગ લીધી અને તેના વાળ પોનીટેલમાં બાંધી દીધા. જ્યારે રણબીર કપૂર ડાર્ક બ્લૂ શર્ટ અને બ્લૂ ડેનિમમાં જોવા મળ્યો હતો.
રણબીર કપૂર થઇ રહ્યો છે ટ્રોલ
રણબીરના ચાલવાની રીતને કારણે તેને ટ્રોલ કરવામાં આવી રહ્યો છે. રણબીરને ટ્રોલ કરતા એક યુઝરે લખ્યું- રણબીર નશામાં કેમ દેખાઈ રહ્યો છે. જ્યારે બીજાએ લખ્યું- તમારી દીકરી ક્યાં છે, અમે તેને મિસ કરી રહ્યા છીએ. બીજી તરફ, કેટલાક યુઝર્સ એવું અનુભવી રહ્યા છે કે બંને લડ્યા છે. યુઝરે લખ્યું- શું તમે લડાઈ કરીને વિદેશથી આવ્યા છો? આ ઉપરાંત આલિયા અને રણબીરના દુબઈ વેકેશનની ઘણી ફોટોસ સોશ્યલ મીડિયા પર વાયરલ થઈ હતી. બંનેએ ફેન્સ સાથે ઘણી ફોટોસ ક્લિક કરી હતી. જે રણબીરના ફેન પેજ દ્વારા શેર કરવામાં આવી હતી.
આલિયા હોલીવુડ ફિલ્મ હાર્ટ ઓફ સ્ટોનમાં દેખાશે
આલિયા ભટ્ટ ટૂંક સમયમાં ફિલ્મ રોકી ઔર રાની કી પ્રેમ કહાનીમાં રણવીર સિંહ સાથે જોવા મળશે. આ ફિલ્મમાં તેની સાથે રણવીર સિંહ લીડ રોલમાં જોવા મળશે. આ સિવાય તે હોલીવુડમાં પણ પગ મુકવા જઈ રહી છે. તેની હાર્ટ ઓફ સ્ટોન નેટફ્લિક્સ પર રિલીઝ થશે. બીજી તરફ ફેન્સ રણબીરની ફિલ્મ એનિમલની આતુરતાથી રાહ જોઈ રહ્યા છે.