આંબળા એક એવો ખાદ્ય પદાર્થ છે જેમાં પોષક તત્વોનો ભંડાર છે. જેમાં વિટામિન સી, એન્ટીઓક્સિડેન્ટ, કેલ્શિયમ, આયર્ન, પોટેશિયમ, ફ્લેવોનોયડ અને ફાઈબર જેવા કેટલાક જરૂરી પોષક તત્વ ભરપૂર પ્રમાણમાં હોય છે. આ તમામ પોષક તત્વ શરીરને બીમારીઓથી દૂર રાખવા માટે જરૂરી હોય છે.
આંબળાનું સેવન દરેક રીતે ફાયદાકારક છે. આંબળાને આ નવી રીતે ખાવાથી ફાયદો થાય છે. જો તમે આંબળાને રાત્રે પાણીમાં પલાળીને રાખી દો અને સવારે તેનું સેવન કરો તો આ તમારા શરીર માટે ખૂબ ફાયદાકારક થઈ શકે છે. પલાળેલા આંબળા ખાવાથી પાચન સહિત ઘણી સમસ્યાઓનું સમાધાન થઈ શકે છે.
પલાળેલા આંબળા ખાવાના ફાયદા
1. આંબળા ખાવાથી તમારી ઈમ્યૂનિટી મજબૂત થઈ શકે છે. કારણ કે તેમાં વિટામિન સી અને એન્ટીઓક્સિડેન્ટ ભરપૂર પ્રમાણમાં હોય છે. આ બંને ઈમ્યૂનિટીને બૂસ્ટ કરવામાં મદદ કરે છે. જો તમે દરરોજ સવારે ખાલી પેટ પલાળેલા આંબળા ખાવ તો તેનાથી તમે ઘણા પ્રકારના સંક્રમણની ચપેટમાં આવવાથી બચી શકો છો.
2. આંબળા ખાવાથી તમને વજન ઘટાડવામાં મદદ મળી શકે છે. કેમ કે આંબળામાં ફાઈબરનું પ્રમાણ હોય છે જેના સેવનથી તમે લાંબા સમય સુધી પેટ ભરેલુ અનુભવો છો. આ સિવાય તેમાં અન્ય પણ ઘણા પોષક તત્વ હાજર હોય છે જે મેટાબોલિઝમને બૂસ્ટ કરે છે. આનાથી શરીરમાં જામેલી ચરબીને બર્ન કરવામાં મદદ મળે છે.
3. જે પણ ફળ કે શાકભાજીમાં ફાઈબરનું પ્રમાણ વધુ હોય છે તે ફળ શાકભાજી પાચન તંત્ર માટે ખૂબ ફાયદાકારક હોય છે. આંબળામાં ફાઈબરનું પ્રમાણ હોય છે. જે પાચન ક્રિયાને શ્રેષ્ઠ બનાવવામાં મદદ કરે છે. દરરોજ સવારે ખાલી પેટ પલાળેલા આંબળા ખાવાથી ગેસ, અપચો, કબજિયાત અને બ્લોટિંગ જેવી સમસ્યાઓથી રાહત મળી શકે છે.
4. આંબળા ખાવા તમારી આંખો માટે પણ ફાયદાકારક સાબિત થઈ શકે છે કેમ કે તેમાં વિટામિન એ, વિટામિન બી, વિટામિન સી અને વિટામિન ઈ મળે છે જે તમારી આંખોને હેલ્ધી રાખવામાં મદદ કરી શકે છે. તમે દરરોજ સવારે આંબળાનું સેવન કરી શકો છો.
5. આંબળા ક્રોમિયનનો સૌથી સારો સ્ત્રોત છે. આનાથી બ્લડ શુગર લેવલને કંટ્રોલ કરવામાં મદદ મળે છે અને ડાયાબિટીસ નિયંત્રિત રહી શકે છે. આના સિવાય હાઈ બ્લડ પ્રેશરને પણ ઓછુ કરવામાં મદદ કરે છે.