અભિનેત્રી હુમા કુરૈશી ફિલ્મ તરલામાં મહિલા સેફની ભૂમિકા નિભાવી રહી છે. ફિલ્મનો વિષય ભોજન સાથે જોડાયેલો છે, તેથી આ ફિલ્મનું ટ્રેલર મુંબઈના કુર્લામાં આયોજિત ફૂડ ફેસ્ટિવલ દરમિયાન લોન્ચ કરવામાં આવ્યુ. આ દરમિયાન રોટલીઓ વણવાની સ્પર્ધા પણ આયોજિત કરવામાં આવી અને આ મુદ્દે પણ ખૂબ ચર્ચા થઈ કે રોટલી ગોળ કેમ હોય છે. હુમા કુરૈશીએ કહ્યુ કે આ પ્રશ્નનો સાચો જવાબ ફિલ્મ તરલામાં મળશે.
ફિલ્મ તરલા લોકપ્રિય શેફ અને કુકબુક લેખક તરલા દલાલના જીવન પર આધારિત એક બાયોપિક છે. હુમા કુરૈશી આ ફિલ્મમાં તરલા દલાલની ભૂમિકા નિભાવી રહી છે અને તેમના પતિ નલિન દલાલની ભૂમિકા શારિબ હાશમીએ નિભાવી છે. તરલા એક એવા મહત્વાકાંક્ષી મહિલા તરલા દલાલની કહાણી છે, જે એક શોખથી લઈને પ્રોફેશનલ શેફ બની જાય છે. તેઓ પોતાના ઘરે રસોઈ બનાવવાના ક્લાસ ખોલે છે અને પછી તેઓ પોતાનો ટેલીવિઝન શો ચલાવે છે. ભોજન બનાવવાની કલામાં યોગદાન માટે ભારત સરકાર તરફથી તરલા દલાલને પદ્મશ્રી પુરસ્કારથી સન્માનિત કરવામાં આવ્યા હતા.
ફિલ્મના ટ્રેલર લોન્ચ દરમિયાન હુમા કુરૈશીએ કહ્યુ, તરલા દલાલની મહત્વાકાંક્ષી પ્રવૃતિ અને હેતુ પ્રત્યે તેમની નિરંતર શોધ નિશ્ચિતરીતે તે દર્શકોને પ્રેરિત કરશે જે જીવનમાં કંઈક ઉલ્લેખનીય અને પથ પ્રદર્શક કામ કરવા ઈચ્છે છે. હુ મારી માતા સાથે તેમનો કુકરી શો જોઈને મોટી થઈ છુ અને તેમની કુકબુકથી ઘણી વાનગીઓ બનાવવાનું શીખી. તરલા દલાલની આ પ્રેરક યાત્રાને પડદા પર લાવવી મારા માટે સન્માનની વાત છે. મે તેમના ઉત્સાહ અને તેમની ભાવનાને સંપૂર્ણ ઈમાનદારી સાથે આ ફિલ્મમાં જીવવાનો પ્રયત્ન કર્યો છે, અને મને આશા છે કે હુ આ ફિલ્મમાં તેમના જાદુઈ ઓનસ્ક્રીન વ્યક્તિત્વ રજૂ કરવામાં સફળ રહી છુ.
તરલા દલાલને આગળ વધારવામાં તેમના પતિ નલિન દલાલનું વિશેષ યોગદાન રહ્યુ છે. ફિલ્મમાં તરલા દલાલના પતિ નલિન દલાલની ભૂમિકા શારિબ હાશમીએ નિભાવી છે. તેઓ કહે છે કે તે દિવસોમાં જ્યારે ઉદ્યોગસાહસિક શબ્દ ચલણમાં નહોતો ત્યારે તરલા દલાલે ઘણા અવરોધો તોડ્યા અને એક તાકાત બની ગઈ. જોકે દરેક તેમની જર્નીને જાણે છે પરંતુ ઘણા બધા લોકો એ નથી જાણતા કે તે મંજિલ સુધી પહોંચવા માટે તેમને ખૂબ સંઘર્ષ કરવો પડ્યો, લોકો એ પણ નથી જાણતા કે તરલાના એક સહાયક તેમના પતિ પણ હતા જે તેમના પાંખોની નીચેની હવા હતા. તરલાને તેમના લક્ષ્ય સુધી પહોંચાડવામાં તેમના પતિએ પોતાના સપનાનો ત્યાગ કર્યો હતો. મને આશા છે કે તરલા અને નલિનની કહાની તે દરેક પરિવારને પ્રેરિત કરશે જે હજુ પણ પિતૃસત્તાત્મક રીતે કામ કરે છે.
ફિલ્મના ટ્રેલર લોન્ચ દરમિયાન હુમા કુરૈશી અને શારિબ હાશમી સિવાય નિતેશ તિવારી, અશ્વિની અય્યર તિવારી અને ફિલ્મના નિર્દેશક પીયૂષ ગુપ્તા હાજર રહ્યા. આ ફિલ્મનું નિર્માણ રોની સ્ક્રૂવાલા, નિતેશ તિવારી અને અશ્વિની અય્યર તિવારીએ કર્યુ છે. આ ફિલ્મ 7 જુલાઈથી OTT પ્લેટફોર્મ જી 5 પર સ્ટ્રીમ થશે.