કિમ જોંગ ઉનનું નવું ફરમાન

ઉત્તર કોરિયાના તાનાશાહ કિમ જોંગ ઉન પોતાના નિર્ણયોના કારણે હંમેશા ચર્ચામાં રહે છે. તે પોતાના દેશવાસીઓ માટે નવા-નવા ફરમાન લાગુ કરતો રહે છે. હવે કિમ જોંગ ઉને પોતાના દેશના લોકોને દક્ષિણ કોરિયાની ભાષા બોલવા પર પ્રતિબંધ લગાવવાનું એલાન કર્યું છે. આ સાથે ઉત્તર કોરિયામાં દક્ષિણ કોરિયાની ભાષા બોલતા કોઈપણ વ્યક્તિને મૃત્યુ સુધીની સજા થઈ શકે છે. તાનાશાહે આવું ફરમાન જાહેર કર્યું છે.

દક્ષિણ કોરિયામાં કઠપૂતળી ભાષા બોલાય છે. સામાન્ય રીતે ઉત્તર કોરિયાના લોકો પણ આ ભાષાનો ઉપયોગ કરે છે. જોકે, હવે તેણે કઠપૂતળી ભાષા બોલવાની ખોટ જીવ આપીને ચૂકવવી પડશે. એક અહેવાલ પ્રમાણે ઉત્તર કોરિયામાં જે કોઈ પણ વ્યક્તિ દક્ષિણની કઠપૂતળી ભાષા અથવા શબ્દભંડોળનો ઉપયોગ કરતા પકડાશે તો તેને પ્યોંગયાંગ સાંસ્કૃતિક ભાષા સંરક્ષણ કાયદા હેઠળ જેલ અથવા મૃત્યુદંડનો સામનો કરવો પડી શકે છે.

ઉત્તર પ્યોંગનના ઉત્તર પશ્ચિમ પ્રાંતના રહેવાસીએ જણાવ્યું કે, ઘણા લોકો દક્ષિણ કોરિયાની ભાષાનો ઉપયોગ કરવા ટેવાયેલા છે. આવી સ્થિતિમાં તાનાશાહનું આ ફરમાન તેમના જીવ માટે ખતરો બની ગયો છે. તેઓ હવે ઉત્તર કોરિયાની ભાષા બોલવાની અને દક્ષિણ કોરિયાની ભાષાથી છૂટકારો મેળવવાની પ્રેક્ટિસ કરી રહ્યા છે. તેને ડર છે કે તેના મોંમાંથી અજાણતા જ દક્ષિણ કોરિયન શબ્દો નીકળી જશે અને તેમને સજા થશે.

ઉત્તર કોરિયાની મહિલાઓ પોતાને કે તેમના બોયફ્રેન્ડને ‘જગિયા’ કે ‘ઓપ્પા’ કહી શકતી નથી. રિપોર્ટમાં દાવો કરવામાં આવ્યો છે કે તેના બદલે તેઓએ ‘ડોંગજી’નો ઉપયોગ કરવો પડશે. ઉત્તર કોરિયાના લોકોએ પણ અંગ્રેજીમાં દક્ષિણ કોરિયન શબ્દોનો ઉપયોગ કરવાનું ટાળવું જોઈએ જેમ કે ‘paesyeon’ (ફેશન), ‘hyesutel’ (હેરસ્ટાઇલ) અને ‘wipyu’ (wife). ખુલ્લેઆમ ‘આઈ લવ યુ’ કહેવું એ પણ સાબિતી છે કે, તેણે સાઉથ કોરિયન ફિલ્મો જોઈ છે. આવી સ્થિતિમાં તેમને સજા ભોગવવી પડી શકે છે.