સગીરા સાથે દુષ્કર્મ આચરી ગર્ભવતી બનાવી, આરોપીને અંતિમ શ્વાસ સુધીની કેદ

🔊 इस खबर को सुनें

Bhargav Joshi

રાજકોટ તાલુકાના આણંદપર (બાઘી) ગામે 14 વર્ષની સગીરા ઉપર દુષ્કર્મ આચરી ગર્ભ રાખી દેવાના ગુનામાં જેલ હવાલે રહેલા આરોપીને અદાલતે અંતિમ શ્વાસ સુધીની સજા ફટકારતો હુકમ કર્યો છે.

આ કેસની હકીકત મુજબ મધ્ય પ્રદેશના વતની અને વર્ષ 2020માં રાજકોટ તાલુકાના આણંદપર (બાઘી)ગામે ખેત મજૂરી અર્થે આવેલા પરિવારની 14 વર્ષની સગીરા ઉપર મધ્ય પ્રદેશના આરોપી અનેશ નેહરુ ભુરીયા નામના શખ્સે દુષ્કર્મ આચર્યું હતું. ઘટનાના થોડા દિવસ બાદ પરિવાર વતનમાં પરત ફર્યો હતો, બાદમાં ધ્રોલના હાડાટોડા ગામે ખેત મજુરી કરતી બેનના પરિવાર સાથે સગીરા ખેત મજૂરી અર્થે આવી હતી. જ્યાં સગીરાને ગર્ભ હોવાની જાણ થતા પરિવારની પૂછપરછમાં સગીરાએ અનેશ ભુરીયા નામના શખ્સે પોતે વતનમાં ગયા હતા. તેના થોડા દિવસ પહેલા જ કોઠારીયા ગામની સીમમાં શરીર સંબંધ બાંધ્યો હોવાનું જણાવ્યું હતું.

તા.10/11/2020ના રોજ વહેલી સવારે સગીરાને પ્રસૂતિની પીડા ઉપડતા તેણીને સારવાર અર્થે ધ્રોલ લઈ જવામાં આવતી હતી. ત્યારે સગીરાએ રસ્તામાં જ મૃત પુત્રને જન્મ આપ્યો હતો અને બાદમાં સગીરાની તબિયત નાજુક જણાતા તેણીને તાત્કાલિક વધુ સારવાર માટે જામનગરની જીજી હોસ્પિટલમાં દાખલ કરવામાં આવી હતી. સગીરા ઉપર દુષ્કર્મ આચરી કુવારી માતા બનાવનાર અનેશ ભુરીયા વિરુદ્ધ ભોગ બનનાર સગીરાની બહેને કુવાડવા રોડ પોલીસ મથકમાં ફરિયાદ નોંધાવી હતી. ફરિયાદના આધારે પોલીસે આરોપી અનેશ નેહરૂ ભુરીયાની ધરપકડ કરી જેલ હવાલે કર્યો હતો. તપાસ અધિકારીએ તપાસ પૂર્ણ થતા આરોપી વિરુદ્ધ કોર્ટમાં ચાર્જશીટ રજુ કર્યું હતું.

જે કેસ ચાલવા ઉપર આવતા સરકાર પક્ષે રોકાયેલા સરકારી વકીલ મુકેશ પીપળીયાએ ભોગ બનનારની ઉંમર માત્ર 14 વર્ષની છે. આરોપીએ દુષ્કર્મ આચરી સગીરાને ગર્ભ રાખી દેતા સગીરાએ મૃત બાળકને જન્મ આપેલો છે. મૃતક બાળક, ભોગ બનનાર અને આરોપીના ડી. એન. એચ મેચ થાય છે, સહિતની રજૂઆતો, ડોક્ટર, પોલીસ, બનનાર અને ફરિયાદીની જુબાની તેમજ રજૂ રાખેલા દસ્તાવેજી પુરાવાને ધ્યાને લઈ પોકસો કોર્ટના જજ જે.ડી. સુથારે સગીરા પર દુષ્કર્મ આચરી કુવારી માતા બનાવનાર આરોપી અનેશ ભુરીયાને અંતિમ શ્વાસ સુધીની સજા ફટકાટો હુકમ કર્યો છે. આ કેસમાં સરકાર પક્ષે સરકારી વકીલ મુકેશ પીપળીયાએ ધારદાર રજુઆત કરી હતી.