સિદ્ધાર્થ-કિયારા દિલ્લી પહોંચ્યા, ઢોલ-નગાડા સાથે થયું જોરદાર સ્વાગત

🔊 इस खबर को सुनें

najrana pathan

સ્ટાર કપલ સિદ્ધાર્થ મલ્હોત્રા અને કિયારા અડવાણી લગ્નના બંધનમાં બંધાઇ ગયા છે. બંનેએ 7 ફેબ્રુઆરીના રોજ જેસલમેરના સૂર્યગઢ પેલેસમાં પ્રભુતામાં પગલાં માંડ્યા હતા. બંને પોતાના પરિવારના સભ્યો અને મિત્રોની હાજરીમાં સાત ફેરા ફર્યા હતા. હવે લગ્ન સમારોહ બાદ સિદ્ઘાર્થ પહેલીવાર પોતાની પત્ની કિયારા સાથે દિલ્લી પહોંચ્યો હતો.

જ્યાં તેમનું ઢોલ-નગાડા સાથે જોરદાર સ્વાગત કરવામાં આવ્યું હતું. બંને સાથે ડાન્સ કરતા જોવા મળ્યા હતા. જેનો વીડિયો સોશિયલ મીડિયા પર વાયરલ થઇ રહ્યો છે. સિદ્ધાર્થ મલ્હોત્રા અને કિયારા અડવાણીએ દિલ્લી પહોંચ્યા બાદ પાપારાઝીને મિઠાઇ વહેંચી હતી. બંને રેડ કલરના આઉટફિટમાં જોવા મળ્યા હતા. કિયારા અડવાણી દુલ્હનના પહેરવેશમાં ઘણી ખૂબસૂરત જોવા મળી રહી હતી. જ્યારે સિદ્ધાર્થે રેડ કુર્તાની સાથે એમ્બ્રોયડરી શાલ કેરી કરી હતી. ત્યારબાદ બંનેએ પોતાના ઘરમાં પ્રવેશ કર્યો હતો.

બંનેનો આ વીડિયો સોશિયલ મીડિયા પર ઘણો વાયરલ થઇ રહ્યો છે. મલ્હોત્રા પરિવારે ઢોલ-નગાડા સાથે કપલનું જોરદાર સ્વાગત કર્યું હતું. કિયારાની નજર ઉતાર્યા બાદ તેનો ગૃહ પ્રવેશ થયો હતો. સિદ્ધાર્થનું ઘર લાઇટોથી ઝગમગી ઉઠ્યું હતું.

સિદ્ધાર્થ મલ્હોત્રા અને કિયારા અડવાણીએ લાંબા સમય બાદ ડેટ કર્યા પછી લગ્ન કર્યા છે. બંનેએ ફિલ્મ શેરશાહમાં સાથે કામ કર્યું હતું. લગ્નમાં સિદ્ધાર્થએ સિલ્વર કલરની શિમરી શેરવાની પહેરી હતી જ્યારે કિયારાએ પિંક કલરનો લહેંગો પહેર્યો હતો. બંનેએ પોતાના લગ્નની તસવીરો શેર કરી હતી.