પાંચ વર્ષની બાળકીની સતર્કતાએ બહેનને પીંખાતા બચાવી

🔊 इस खबर को सुनें

najrana pathan

રતમાં 5 વર્ષીય બાળકીની સતર્કતાના કારણે તેની બહેન સાથે અઘટિત ઘટના બનતા રહી ગઈ હતી. કાપોદ્રા વિસ્તારમાં એક પ્રસંગમાં હાજરી આપવા ગયેલી મહિલાની બે જુડવા બહેનો રમી રહી હતી ત્યારે એક યુવાન 5 વર્ષીય બાળકીને લઈને અડપલા કરતો હતો. જેને લઈને બીજી બહેને તેની માતાને જાણ કરતા માતાએ ત્યાં આવીને યુવકને પકડીને લાફા ઝીકતા તે ત્યાંથી ભાગી છૂટ્યો હતો.

માતાએ યોગ્ય સમયે પહોંચી યુવકને લાફો ઝીંકી દીધો
મળતી માહિતી મુજબ સુરતના કાપોદ્રા પોલીસ મથકની હદમાં આવેલા એક ફાર્મ હાઉસ ખાતે સીમંતનો કાર્યક્રમ હતો. અહી એક મહિલા પોતાની 5 વર્ષીય બે જુડવા બાળકી સાથે હાજરી આપવા આવી હતી. મહિલા પ્રસંગમાં વ્યસ્ત હતી તે વેળાએ તેઓની બે બાળકીઓ ત્યાં રમી રહી હતી. આ દરમિયાન એક બાળકીને એક ઇસમ બાળકીને તેડીને લઇ ગયો હતો. આ જોઈ બીજી બાળકી તાત્કાલિક માતા પાસે પહોચી હતી અને માતાને વાત કરી હતી જેને લઈને માતાએ આવીને જોયું તો ઇસમ બાળકી સાથે શારીરિક અડપલા કરી રહ્યો હતો. આ જોઇને બાળકીની માતાએ યુવકને બે લાફા ઝીંકી દીધા હતી. જો કે આ ઘટના બાદ યુવક ત્યાંથી નાસી છૂટ્યો હતો. આ બનાવ બાદ બાળકીની માતાએ કાપોદ્રા પોલીસ મથકમાં ફરિયાદ નોંધાવી છે. જેમાં પોલીસે અજાણ્યા ઇસમ સામે છેડતીનો ગુનો નોંધી તપાસ શરુ કરી છે.

પોલીસે ગુનો નોંધી તપાસ હાથ ધરી
ઉલ્લેખનીય છે કે એક બહેનની સતર્કતાના કારણે બીજી બહેન સાથે અઘટિત ઘટના બનતા રહી ગઈ હતી. ભૂતકાળમાં પણ આ પ્રકારના કિસ્સાઓ સામે આવી ચુક્યા છે ત્યારે કાપોદ્રા પોલીસે આ મામલે ગુનો નોંધી તપાસ હાથ ધરી છે.