ત્રણ મિત્રોએ મિત્રની હત્યા કરી મૃતદેહને નાળામાં ફેંકી દીધો

🔊 इस खबर को सुनें

najrana pathan

બોટાદમાં એક યુવાન એક મહિના પહેલા પોતાના મિત્રો સાથે બહાર નીકળ્યો હતો. તેથી તેના ભાઇએ પોલીસને આ અંગેની જાણ કરી હતી. એક દિવસ યુવાનના મિત્રનો ફોન આવ્યો કે તેના સહિત ત્રણ મિત્રોએ તમારા ભાઈની હત્યા કરી મૃતદેહ નાળામાં ફેંકી દીધો છે. અને આશ્ચર્યની વાત એ છે કે ફોન જે યુવકે કરેલો તેણે પોતાના કરેલા કૃત્ય બદલ પશ્યાતાપરુપી આત્મહત્યા કરવાનો પ્રયાસ કર્યો હતો.

પરિવારજનોએ ગટરના નાળામાંથી મૃતદેહ મળ્યો
ભાઈને આ અંગે ફોન આવતા પોલીસને જાણ કરી હતી અને ગટરના નાળામાં તપાસ કરતા યુવાનનું માત્ર જડબુ મળી આવ્યું હતું. પોલીસે ત્યાર બાદ ટીમ બોલાવી તપાસ કરતા શરીરના અવશેષો મળી આવ્યા હતા અને સમગ્ર શહેરમાં ચકચાર મચી જવા પામી હતી.

ત્રણ મિત્રોએ ભેગા મળી હત્યા કરી
મળતી માહિતી મુજબ યુવકના ત્રણ મિત્રએ હત્યા કરી મૃતદેહને નાળામાં ફેંકી દીધો હતો અને પુરાવાનો નાશ કર્યો હતો. પોલીસે એક મિત્રની ધરપકડ કરી છે. બીજો આત્મહત્યાના પ્રયાસમાં નિષ્ફળ રહેતા રાજકોટમાં સારવાર હેઠળ છે અને ત્રીજો મિત્ર હાલ ફરાર છે.

કૃત્યનો પસ્તાવો થતા આત્મહત્યાનો પ્રયત્ન
ત્રણ મિત્રોમાંના એક મિત્રએ મૃતકના ભાઈને ફોન કરીને સમગ્ર ઘટનાની જાણ કરી હતી કે તમારો ભાઈ લાપતા નહીં તેની હત્યા કરવામાં આવી છે અને તેના મૃતદેહને નાળામાં ફેંકી દીધો છે. આ અંગે પસ્તાવો થતા મિત્ર આત્મહત્યા કરવા રેલ્વે ટ્રેક પહોંચ્યો હતો અને ટ્રેનમાં ઝંપલાવ્યું હતું પરંતુ તે બચી ગયો છે અને સારવાર હેઠળ રાજકોટમાં એક હોસ્પિટલમાં દાખલ છે.