“નવરંગ” સાહિત્ય સંગીત કલા પ્રતિષ્ઠાન દ્વારા કવિ સંમેલન, ગુજરાતના જાણીતા કવિ કૃષ્ણ દવે મૂસાયરાની મોજ કરાવશે

🔊 इस खबर को सुनें

Bhargav Joshi

• સાહિત્ય રસિકોને ઉપસ્થિત રહેવા જાહેર આમંત્રણ
• પોરબંદરમાં તા. 7/1/2023 શનિવારે રાત્રે 9:00 કલાકે ગોઢાણીયા કોલેજ ખાતે સુંદર કવિ સંમેલનનું આયોજન કરવામાં આવ્યું

પોરબંદરમાં સાહિત્ય, સંગીત, નૃત્ય, નાટય, ચિત્ર, છબીકલા સહિત નવ જેટલી કલાઓને જીવંત રાખવા અને આ તમામ કલાના સર્જકો અને કલા રસિકોને યોગ્ય માર્ગદર્શન અને પ્રોત્સાહન આપવા પોરબંદરના સાહિત્ય પ્રેમીઓએ સાથે મળીને “નવરંગ” સાહિત્ય સંગીત કલા પ્રતિષ્ઠાનનું નિર્માણ કર્યું છે. આ સંસ્થા દ્વારા આગામી તા. 7/1/2023 શનિવારે રાત્રે 9:00 કલાકે ગોઢાણીયા કોલેજ ખાતે સુંદર કવિ સંમેલનનું આયોજન કરવામાં આવ્યું છે.

■ મુશાયરાના કવિઓ :
નવરંગ દ્વારા આયોજિત મુશાયરામાં ગુજરાતના ગૌરવ સમાન કવિઓ સર્વશ્રી કૃષ્ણ દવે, સ્નેહલ જોષી, લાખણશી આગઠ અને શુભમ સામાણી પોતાની રચનાઓ રજૂ કરી પોરબંદરના સાહિત્ય રસિકોને મુશાયરાની મોજ કરાવશે.

આ કવિ સંમેલનમાં પોરબંદરના સૌ કલા અને સાહિત્ય રસિકોને ઉપસ્થિત રહી મુશાયરાની મોજ માણવા નવરંગ સંસ્થાના પ્રમુખ લાખણશી ગોરાણીયા, સેક્રેટરી ડો. સ્નેહલ જોશી અને સંયોજક લાખણશી આગઠે જાહેર આમંત્રણ પાઠવ્યું છે.