વરુણ ધવને ડાન્સ કરતા કરતા 2022ના વર્ષને ખાસ અંદાજમાં કહ્યું અલવિદા

🔊 इस खबर को सुनें

najrana pathan

વર્ષ 2022 સમાપ્ત થવામાં માત્ર ગણતરીના દિવસો બાકી છે. બોલીવુડ કલાકારો તેમના ચાહકોને નવા વર્ષની શરૂઆત કરવા અને નવી શરૂઆત કરવા માટે પ્રેરિત કરી રહ્યા છે. ત્યારે હવે એક્ટર વરુણ ધવને એક વીડિયો શેર કર્યો છે. જેમાં તે પોતાના ખાસ અંદાજમાં વર્ષ 2022ને અલવિદા કહી રહ્યો છે. આ વીડિયો હાલ સોશિયલ મીડિયા પર ખુબ જ વાયરલ થઈ રહ્યો છે.

આ વીડિયોમાં વરૂણ ધવન તેની ફિલ્મ જુગ જુગ જિયોના ગીત પર શર્ટલેસ ડાન્સ કરતો જોવા મળી રહ્યો છે. સાથે સાથે અભિનેતા તેના ચાહકોને વર્ષ 2022ને સારી નોંધ પર અલવિદા કહેવા માટે પ્રેરિત કરતો જોઈ શકાય છે. આ વીડિયોને ઈન્સ્ટાગ્રામ પર શેર કરતા અભિનેતાએ લખ્યું, 2022ને ગુડબાય, જુગ જુગ જિયો. વરુણ ધવને સોશિયલ મીડિયા પર શેર કરેલા આ વીડિયોને તેના ફેન્સ ખૂબ પસંદ કરી રહ્યા છે અને કોમેન્ટ કરીને પોતાની પ્રતિક્રિયા પણ આપી રહ્યા છે.

સિટાડેલ ફ્રેન્ચાઇઝી સાથે હાથ મિલાવ્યા
હાલમાં જ વરુણ ધવનના સિટાડેલ ફ્રેન્ચાઈઝીની ઈન્ડિયન ઓરિજિનલ સિરીઝમાં જોડાવાના અહેવાલો સામે આવ્યા હતા. જેમાં એવું કહેવામાં આવ્યું હતું કે વરુણ ધવન ભારતની સિટાડેલ (શીર્ષક હાલ નક્કી નથી) સિરીઝમાં મુખ્ય ભૂમિકા ભજવતો જોવા મળશે. સિટાડેલ સિરીઝનું દિગ્દર્શન જાણીતી જોડી રાજ અને ડીકે કરશે. અભિનેતાની આ શ્રેણી આવતા વર્ષે 2023માં શરૂ થશે.

વરુણ ધવનનું વર્ક ફ્રન્ટ
બીજી તરફ જો વરુણ ધવનના વર્ક ફ્રન્ટની વાત કરીએ તો તે આવતા વર્ષે ઘણા પ્રોજેક્ટ્સમાં જોવા મળશે. વરુણ ધવન ટૂંક સમયમાં નિતેશ તિવારીના નિર્દેશનમાં બનેલી ફિલ્મ બવાલમાં જોવા મળશે. આ ફિલ્મમાં તે અભિનેત્રી જ્હાન્વી કપૂર સાથે લીડ રોલમાં જોવા મળશે. તેની ફિલ્મ આવતા વર્ષે એપ્રિલ મહિનામાં સિનેમાઘરોમાં આવશે. આ સિવાય અભિનેતા રણભૂમિ, મિસ્ટર લેલે અને લવલી સિંહ જેવી ફિલ્મોમાં પણ જોવા મળશે.