મિત્રની નોકરી છીનવી લેનાર દગાખોર મિત્રની સાયબર પોલીસે ધરપકડ કરી

🔊 इस खबर को सुनें

najrana pathan

થોડા દિવસ પહેલા વડોદરામાં એક કિસ્સો સામે આવેલો જેમાં એક મિત્રને ન્યૂઝીલેન્ડમાં નોકરી મળી હતી અને આ યુવાને પોતાના મિત્રને પણ ન્યૂઝીલેન્ડમાં નોકરી મળે તે માટે પોતાનો કંપની ઈમેઈલ તેને આપ્યો હતો. પરંતુ દગાખોર મિત્રએ કંપનીને એવો મેઈલ કર્યો કે તમે જેને નોકરી આપી છે તેના પર લેન્ડગ્રેબિંગનો કેસ થયો છે. અને કંપનીએ યુવાનને નોકરી ન આપી. હવે આ મિત્રની સાયબર પોલીસે ધરપકડ કરી લીધી છે અને વધુની તપાસ હાથ ધરી છે.

મેઈલમાં લખ્યું- તમે આરોપીને દેશ છોડાવી રહ્યા છો, કાયદેસરના પગલા ભરીશું
દગાખોર મિત્રએ ન્યૂઝીલેન્ડની કંપનીને મેઈલ કર્યો કે તમે જેને નોકરી આપી રહ્યા છો તેના પર લેન્ડગ્રેબિંગનો કેસ છે. તમે આરોપીને દેશ છોડાવી રહ્યા છો અમે લિગલ એક્શન લઈશું. આ મેઈલ વાંચતા જ ન્યૂઝીલેન્ડ કંપનીના ડિરેક્ટર ભડક્યા હતા અને ધર્મેન્દ્ર એકલા ની નહીં સમગ્ર ભરતી રદ કરી દીધી હતી.

વર્ષોથી સાથે હતા મિત્ર
નોકરી છીનવી લેનાર મિત્ર પોતે MBA છે. તેનું નામ રવિ મિશ્રા છે. બંને મિત્રો સાથે જ હરતાફરતા હતા. નોકરી રદ કરવા માટેના ઈમેઈલ પછી પણ બંને મિત્રો સાથે બહાર ફરવા ગયા હતા.

તપાસમાં આરોપી પોતે જોડાયો હતો
ન્યૂઝીલેન્ડમાં નોકરી અંગેનો બોગસ મેઈલ કોણે કર્યો છે તેની તપાસ કરવા રવિ તેના મિત્ર ધર્મેન્દ્ર સાથે જ રહેતો હતો. હકિકતમાં રવિએ જ બોગસ મેઈલ કર્યો હતો, તેના પર શંકા ન જાય તે માટે તપાસમાં સાથેને સાથે રહેતો હતો.