પિતાની સામે જ યુવતીનું અપહરણ કરી ફરાર

🔊 इस खबर को सुनें

najrana pathan

તેલંગાણાના રાજન્ના સરસિલ્લા જિલ્લામાં મંગળવારે કેટલાક અજાણ્યા બદમાશો દ્વારા 18 વર્ષની છોકરીનું તેના પિતાની સામે અપહરણ કરવામાં આવ્યું છે. સીસીટીવીમાં કેદ થયેલી ઘટનાનો વીડિયો સોશિયલ મીડિયા પર વાયરલ થયો છે. ઘટના ચંદુર્થી મંડલના મુડેપલ્લે ગામની છે. વીડિયોમાં સ્પષ્ટ જોઈ શકાય છે કે એક બદમાશ જેણે ચહેરો છુપાવવા માટે કપડું બાંધ્યું હતું. યુવતી ભાગવાનો પ્રયાસ કરે છે પરંતુ બદમાશ તેને બળજબરીથી કારમાં ખેંચી જાય છે. પછી કારનો દરવાજો બંધ કરે છે. પિતા તે કારની પાછળ દોડવા લાગે છે પરંતુ તમામ બદમાશો ભાગી જાય છે.

ઘટના અંગે માહિતી આપતા પોલીસે જણાવ્યું કે કેસ નોંધવામાં આવ્યો છે અને અમે તેમને શોધવા માટે તમામ પ્રયાસો કરી રહ્યા છીએ. આ ઘટનામાં ચાર લોકો સંડોવાયેલા છે. શરુઆતી તપાસમાં પ્રેમ પ્રકરણનો કિસ્સો લાગે છે. યુવતી થોડા દિવસો પહેલા જ પ્રેમી સાથે ભાગી ગઈ હતી. હવે જ્યારે તે પુખ્ત વયની થઈ ગઈ હોય તો બની શકે છે કે તેનો પ્રેમી તેને ઉઠાવીને લઈ ગયો હોય. તેમને પકડવા માટે ત્રણ ટીમોનું ગઠન કરવામાં આવ્યું છે.

યુવતી તેના પિતા સાથે મંદિરમાં દર્શન કરીને ઘરે પરત ફરી રહી હતી. આ દરમિયાન કેટલાક બદમાશો સફેદ રંગની કારમાં આવ્યા હતા અને યુવતીને બળજબરીથી ખેંચીને કારમાં બેસાડી હતી. યુવતીના પિતાને કંઈક સમજાયું ત્યાં સુધીમાં તમામ બદમાશો ભાગી ગયા હતા. જોકે, યુવતીના પિતાએ કાર સાથે ભાગવાનો પ્રયાસ કર્યો હતો પરંતુ તે નિષ્ફળ રહ્યાં હતાં.