શુભમન ગિલની ઈન્ટરનેશનલ ટેસ્ટ કરિયરમાં પ્રથમ સદી

ભારત માટે ફર્સ્ટ ઇનિંગ્સમાં બોલ સાથે કુલદીપ યાદવ (Kuldeep Yadav) ચમક્યો હતો. તેણે 16 ઓવરમાં 6 મેડન સહિત 40 રન આપીને 5 વિકેટ લીધી હતી. તેણે પોતાના ટેસ્ટ કરિયરમાં ત્રીજીવાર એક ઇનિંગ્સમાં 5 વિકેટ લીધી છે. તેના સિવાય મોહમ્મદ સિરાજે 3 તો ઉમેશ યાદવ અને અક્ષર પટેલે 1-1 વિકેટ ઝડપી હતી. બાંગ્લાદેશનો કોઈપણ બેટ્સમેન 30 રનનો આંક વટાવી શક્યો નહોતો. તેમના માટે મુશફિકર રહીમે સર્વાધિક 28 રન બનાવ્યા હતા.

ભારતે 404 રન કર્યા હતા
ભારતે પ્રથમ ઇનિંગ્સમાં 404 રન કર્યા છે. ટોસ જીતીને પ્રથમ બેટિંગ કરતાં ટીમ ઇન્ડિયા માટે ચટ્ટોગ્રામ ખાતે ચેતેશ્વર પૂજારા, શ્રેયસ ઐયર અને રવિચંદ્રન અશ્વિને ફિફટી ફટકારી હતી. પૂજારા અને ઐયર બંને સેન્ચુરી ચૂકી ગયા હતા. તેમણે અનુક્રમે 90 અને 86 રન બનાવ્યા હતા. જ્યારે અશ્વિને 58 રનનું મહત્ત્વનું યોગદાન આપ્યું હતું.