આ ગલી, ચોક કે ગામ મારું છે, આવો આપણે સાથે મળીને કહીએ આ શહેર મારું છે.

🔊 इस खबर को सुनें

Bhargav Joshi

ચૂંટણી પુરી થઈ, નવી સરકારનું ગઠન પણ આજરોજ પૂર્ણ થયું, પાછલા એક મહિનામાં જેને જેટલું રાજકારણ રમવું હતું તે રમાઈ ગયું, પેલો આવો, આ આવો, પેલા નકામા, આ સારા આવી બધીજ લમણાંઝીક ને કોરાણે મૂકીને હવે દરેકે નાગરિક ઉત્થાન, નાગરિક પ્રગતિ અને નાગરિક સમસ્યાઓ ઉકેલવા સાથે મળીને કામ કરવું જોઈએ, જે સરકાર કરતી પણ હોય છે.

અગર સરકાર યોગ્ય કામ નથી કરતી તો તેને ટપારવી પણ જોઈએ અને લોકશાહીમાં આની સુપેરે વ્યવસ્થાઓ છે. માત્ર પક્ષાપક્ષી કે આરોપ પ્રત્યારોપ ન કરતા કાંઈક નક્કર કરીએ એવો દરેકે સંકલ્પ કરવો જોઈએ, વ્યક્તિ કે વિચારક તરીકે કોઈ નેતાના વિચારોથી પ્રભાવિત હોઈએ અથવા ન હોઈએ, સરકારનું સુકાન પસંદગીના નેતા પાસે હોય કે ન હોય, લોકતંત્રમાં વારા પછી વારો આવતો જ હોય છે અને એ કોઈપણ રાજનેતાથી વધુ મતદારોને જાણકારી હોય જ છે એટલે જ જુદજુદા નેતાઓને મતદારો તક આપતી રહી છે.

ત્યારે પોતાની ગલી, પોતાનો મહોલ્લો, પોતાનો વિસ્તાર, પોતાનું ગામ, પોતાનું શહેર, પોતાનો તાલુકો, પોતાનો જીલ્લો અને પોતાનું રાજ્ય કેમ આગળ રહે, કેવી રીતે સુવિધાથી સુસજ્જ રહે એ વિચારને પોતાનો બનાવીને જનસુવિધા કે જનકલ્યાણના કામોમાં કામ કરતા વ્યક્તિ, કર્મચારી, અધિકારી, નેતા કે આગેવાનને સહકાર આપીએ તોજ આપણા સહુનો સહિયારો વિકાસ થઈ શકે અને હવે સહિયારા વિકાસની તાતી જરૂર છે, તેથી રાજકારણ કે રાજનીતિ કે જેનાથી કામમાં રોળા વધે તેવી વૃતિનો ત્યાગ કરી પોતાની પાસે રહેલા જ્ઞાન, અનુભવ, દીર્ઘતા, શાલીનતા, સહયોગીતા અને સહકારિતા આપવી એ અત્યંત જરૂરી છે.

વાત કરીએ ભાણવડની તો ભાણવડના બે દાયકા સરકારથી વિમુખ રહી ગયા, શહેરનો કોટ વિસ્તાર, શહેરની આસપાસનો વિસ્તાર આ બધા વિકાસને ઝંખે છે અને એને વિકાસ આપી ન શકીએ તો અપાવીએ, અપાવી ન શકીએ તો આંગળી ચીંધીએ અને આંગળી ચીંધી ન શકીએ તો પણ આંગળી ઉઠાવીએ નહીં તોજ મારો, તમારો અને આપણો વિકાસ સંભવ છે એ જરૂર સમજીએ.

આપણે ચૂંટિયા છે, સરકારે એને પ્રભાર આપ્યો છે એવા દરેક ચૂંટાયેલા પ્રતિનિધિઓને સહકાર આપીએ તો માત્ર થોડાં જ સમયમાં આપણે વિકાસથી તરબોળ થઈ શકીએ એવુ સામર્થ્ય દરેક ભારતીયમાં છે અને એટલે જ આપણે હવે ખરા ભારતીય બનીએ તેવી કામના સાથે અમારો દરેક ભારતીયને કોલ છે કે તમે એકલાં નથી તમારી સાથે છે ab2news.

તંત્રી સ્થાનેથી…