સુક્ખુ મુખ્યમંત્રી, અગ્નિહોત્રીએ ડેપ્યુટી સીએમ તરીકે શપથ લીધા, ખડગે-રાહુલ થયા સામેલ

🔊 इस खबर को सुनें

Bhargav Joshi

ચાર વખત ધારાસભ્ય અને પૂર્વ પ્રદેશ કોંગ્રેસ અધ્યક્ષ સુખવિંદર સિંહ સુક્ખુએ હિમાચલ પ્રદેશના 15મા મુખ્યમંત્રી તરીકે શપથ લીધા. સુક્ખુ સાથે વિધાનસભામાં વિપક્ષના નેતા રહેલા મુકેશ અગ્નિહોત્રીએ નાયબ મુખ્યમંત્રી તરીકે શપથ લીધા. શપથ ગ્રહણ સમારોહ શિમલાના રિજ મેદાનમાં યોજાયો હતો.

રાજ્યપાલે શપથ લેવડાવ્યા
રાજ્યપાલ રાજેન્દ્ર વિશ્વનાથ આર્લેકરે સિમલાના રિજ મેદાનમાં રાજ્યના 15મા મુખ્યમંત્રી તરીકે સુખવિંદર સિંહ સુક્ખુને શપથ લેવડાવ્યા હતા. મુકેશ અગ્નિહોત્રીએ ડેપ્યુટી સીએમ તરીકે શપથ લીધા.

વીરભદ્ર સિંહને ફૂલ અર્પણ કર્યા
સુખવિંદર સિંહ સુક્ખુની માતા સંસાર દેઈ, કોંગ્રેસના સહ પ્રભારી સંજય દત્ત, કોંગ્રેસ પ્રદેશ અધ્યક્ષ પ્રતિભા સિંહ પણ મંચ પર પહોંચ્યા છે. રાહુલ ગાંધી સ્ટેજ પર પ્રતિભા સિંહને ભેટ્યા. રાહુલ ગાંધી અને બહેન પ્રિયંકા ગાંધીએ રાજ્યના છ વખત મુખ્યમંત્રી રહી ચૂકેલા સ્વર્ગસ્થ વીરભદ્ર સિંહને ફૂલ અર્પણ કર્યા હતા.

કેબિનેટની પ્રથમ બેઠકમાં જૂની પેન્શન યોજના પુનઃસ્થાપિત કરવામાં આવશે
સુક્ખુએ શપથ લેતાની સાથે જ કહ્યું કે, તેઓ પ્રથમ કેબિનેટ બેઠકમાં જનતાને આપેલા તેમના વચનો પૂરા કરશે અને જૂની પેન્શન યોજના પુનઃસ્થાપિત કરવામાં આવશે. હિમાચલ પ્રદેશના ડેપ્યુટી સીએમ મુકેશ અગ્નિહોત્રીએ કહ્યું કે, પહેલા લોકો કહેતા હતા કે કોંગ્રેસ કોઈપણ રાજ્યમાં સત્તામાં નહીં આવે, પરંતુ આજે અમે ભાજપનો ‘રથ’ રોક્યો છે.