પીએમ મોદી મતદાન કરવા પહોંચ્યા, સીએમ ભૂપેન્દ્ર પટેલે મતદાન કર્યું

🔊 इस खबर को सुनें

Bhargav Joshi

બીજા તબક્કાના 14 જિલ્લાની 93 બેઠકો પર આજે સવારે 8 વાગ્યાથી મતદાન શરૂ થયું છે. બીજા તબક્કામાં 833 ઉમેદવારો મેદાનમાં છે અને આ ઉમેદવારોનું ભાવિ નક્કી કરવા માટે 2.51 કરોડથી વધુ મતદાતાઓ મતદાન કરશે.

લાઈવ અપડેટ

• અમિત ચાવડાએ આંકલાવમાં મતદાન કર્યું
• સંખેડાના કોંગ્રેસના ઉમેદવાર ધીરુભાઈ ભીલ મતદાન કર્યું
• વાવ વિધાનસભાના સનેસડા ગામે મતદાન મથકો ઉપર લોકોની ભીડ
• મહેસાણાઃ રાજ્યસભાના સાંસદ જુગલજી ઠાકોરે લાઈનમાં ઉભા રહીને મતદાન કર્યું
• બનાસકાંઠાના મીઠાવીયારણ ગામમાં અને ખાનપુરના બાકોરમાં EVM ખોટવાયા
• મહિસાગરઃ સંતરામપુર વિધાનસભાના ભાજપના ઉમેદવારે ડો.કુબેરભાઈ ડિંડોરે પોતાના માદર વતન ભંડારા ગામે કર્યું મતદાન
• વડોદરાના મેયર અને ભાજપના ઉમેદવાર કેયુર રોકડિયાએ જેતલપુર ખાતે મતદાન કર્યું
• કોંગ્રેસના ભરતસિંહ સોલંકી અને ભાજપના શંકર ચૌધરીએ મતદાન કર્યું

બીજા તબક્કામાં 61 રાજકીય પાર્ટીના 833 ઉમેદવારો ચૂંટણીના મેદાનમાં છે. જે પૈકી 764 પુરુષ ઉમેદવાર અને 69 મહિલા ઉમેદવારોના ભાવિ EVMમાં કેદ થઈ જશે. 5 ડિસેમ્બરે મતદાન માટે 26,409 મતદાન મથકો ઉભા કરવામાં આવ્યાં છે. જે પૈકી 8,533 શહેરી વિસ્તાર અને 17,876 ગ્રામ્ય વિસ્તારમાં આવેલા છે. જો બીજા તબક્કામાં કુલ મતદારોના આંકડાની વિગત જોઈએ તો, કુલ 2,51,58,730 મતદારો નોંધાયા છે. જે પૈકી 1,29,26,501 પુરુષ મતદારો અને 1,22,31,335 મહિલા મતદારો છે.