સુરતમા 14 વર્ષીય વિદ્યાર્થીનીનો ઝેરી દવા પી આપઘાત

🔊 इस खबर को सुनें

najrana pathan

સુરતના વરાછા વિસ્તારમાં ધો. 8માં અભ્યાસ કરતી 14 વર્ષીય વિદ્યાર્થીનીએ ઝેર ગટગટાવી આપઘાત કરી લીધો હતો. સ્કૂલેથી મોડી આવતા માતા-પિતાએ ઠપકો આપતા માઠું લાગી આવતા વિદ્યાર્થીનીએ ઝેર ગટગટાવી લીધું હોવાનું જાણવા મળ્યું છે.

સુરતના વરાછા વિસ્તારમાં રહેતી 14 વર્ષીય દ્રષ્ટિ જયેશભાઈ ધામેલીયા ધો. 8માં અભ્યાસ કરતી હતી. ગુરુવારે તેણીએ ઘરમાં જ ઝેરી દવા ગટગટાવી લીધી હતી. પરિવારજનો તેણીને સારવાર અર્થે હોસ્પિટલ લઇ ગયા હતા. જ્યાં તેણીનું મોત નીપજ્યું હતું. દીકરીના મોતને પગલે પરિવાર શોકમાં ગરકાવ થઇ ગયો હતો. બીજી તરફ આ સમગ્ર મામલે પોલીસે તપાસ શરૂ કરી હતી. મળતી માહિતી પ્રમાણે, દ્રષ્ટિના પિતા પ્રાઈવેટ નોકરી કરે છે તેનો એક ભાઈ પણ છે. સ્કુલેથી મોડી આવવા બાબતે માતા-પિતાએ દીકરીને ઠપકો આપ્યો હતો. જેને લઈને માઠું લાગી આવતા તેણીએ ઘરમાં ઝેરી દવા ગટગટાવી લીધી હતી. દીકરીના મોતને પગલે પરિવાર શોકમાં ગરકાવ થઇ ગયું હતું. ઉલ્લેખનીય છે કે છેલ્લા કેટલાક સમયથી સામાન્ય બાબતોમાં વિદ્યાર્થીઓના આપઘાતના બનાવમાં વધારો થવાની સાથે ઘરેથી ભાગી જવાના પણ બનાવો સતત વધી રહ્યા છે. ત્યારે સુરતમાં એક સામાન્ય બાબતમાં વિદ્યાર્થીનીએ ઝેરી દવા ગટગટાવી જીવન ટૂંકાવી લેતા ચકચાર મચી જવા પામી છે.