જુનાગઢ જિલ્લામાં કેશોદ સિવાય તમામ વિધાનસભા બેઠક પર મતદાનમાં ઘટાડો

જુનાગઢ જિલ્લામાં પાંચ વિધાનસભા બેઠકના 1347 મતદાન મથકો પર તારીખ 1 ડિસેમ્બરે સવારથી સાંજ સુધી મતદાન થયું હતું અંદાજિત મતદાનના આંકડા આવ્યા હતા જ્યારે ચૂંટણીતંત્ર દ્વારા મતદાનના ફાઇનલ આંકડા જાહેર કરવામાં આવ્યા છે જે મુજબ જિલ્લામાં પાંચેય બેઠક પર મળી કુલ 59.54 ટકા મતદાન થયું છે ગત 2017 માં યોજાયેલી વિધાનસભા ચૂંટણીમાં 63.15 ટકા મતદાન થયું હતું આ વખતે વધુ મતદાન થાય તે માટે ચૂંટણીતંત્ર દ્વારા અને અભિયાન અને જાગૃતિ કાર્યક્રમો કરવામાં આવ્યા હતા અને સરેરાશ 82% મતદાન થાય તે માટેનો લક્ષ્યાંક રાખવામાં આવ્યો હતો પરંતુ ચૂંટણીતંત્ર દ્વારા જાહેર થયેલા આંકડામાં મતદાન વધાવાને બદલે ઘટ્યું છે જુનાગઢ જિલ્લાની એકમાત્ર કેશોદ વિધાનસભા બેઠક પર ગત ચૂંટણી કરતા માત્ર 0.45 ટકા મતદાન વધ્યું છે જ્યારે જુનાગઢ બેઠક પર 4.63 માણાવદર બેઠક પર 4.56 વિસાવદર બેઠક પર 6.14 અને માંગરોળ બેઠક પર 1.84 ટકા મતદાન ઘટ્યું છે 2017 ની વિધાનસભા ચૂંટણીમાં સૌથી વધુ માણાવદર બેઠક પર 65.72% મતદાન થયું હતું જ્યારે આ વખતે જિલ્લામાં સૌથી વધુ 63.59 ટકા મતદાન માંગરોળ બેઠક પર થયું છે જુનાગઢ જિલ્લાની કેશોદ બેઠક પર નજીવા વધારા સાથે મતદાન થયું છે બાકીની ચારે બેઠક પર મતદાનમાં ઘટાડો થયો છે ત્યારે ઓછું મતદાન કયા પક્ષને ફાયદો અને કયા પક્ષને નુકસાન કરે તે અંગેના ગણિત મંડાવા લાગ્યા છે મુખ્ય રાજકીય પક્ષો દ્વારા હાલ પોતાની જીત થશે તેવા દાવાઓ કરવામાં આવી રહ્યા છે ત્યારે ઓછું મતદાન કોને લાભકારક નીવડે છે તે આગામી તારીખ 8 ડિસેમ્બરે સ્પષ્ટ થશે