કોંગ્રેસના નેતાઓને છેલ્લે સુધી નથી સમજાઈ રહી ગુજરાતમાં પક્ષની સાઇલેન્ટ પ્રચારની રણનીતિ

ગુજરાત વિધાનસભાની ચૂંટણીના પ્રથમ તબક્કાનું મતદાન ગુરુવારે પૂર્ણ થયું હતું. ચૂંટણી પંચના જણાવ્યા અનુસાર ગુજરાત વિધાનસભા ચૂંટણીના પ્રથમ તબક્કામાં લગભગ 60.20 ટકા મતદાન થયું છે. પ્રથમ તબક્કાનું મતદાન પૂર્ણ થયા પછી પણ કોંગ્રેસના પક્ષના નેતાઓ હજુ પણ પાર્ટીના ચૂંટણી પ્રચારની સાઇલેન્ટ રણનીતિ સમજી શક્યા નથી.

ભાજપના ટોચના નેતૃત્વના તાબડતોબ જોરદાર પ્રચાર અને આમ આદમી પાર્ટીના પ્રચાર વચ્ચે કોંગ્રેસની સાઇલેન્ટ રણનીતિએ તેના ચૂંટણી પ્રચારને નબળો પાડ્યો છે. કોંગ્રેસના આ નબળા ચૂંટણી પ્રચારના કારણે એક તરફ ભાજપ ગુજરાતમાં અત્યાર સુધીની સૌથી મોટી જીતનો દાવો કરી રહી છે. ત્યારે બીજી તરફ આમ આદમી પાર્ટી પોતાના પ્રચારના સહારે ગુજરાતમાં ભાજપના મુખ્ય હરીફ તરીકે ઉભરી આવવાનો દાવો કરી રહી છે.

જયારે કોંગ્રેસની સાઇલેન્ટ પ્રચારની રણનીતિ અંગે પાર્ટીના રાજકીય વર્તુળોમાં આશ્ચર્ય વ્યક્ત કરવામાં આવી રહ્યું છે કારણ કે પાર્ટીએ ગુજરાતમાં છેલ્લી વિધાનસભાની ચૂંટણી જબરદસ્ત લડત આપી હતી અને લગભગ ગળાકાપ હરીફાઈમાં ભાજપ મુશ્કેલીથી પોતાની સત્તા બચાવી શક્યું હતું. તેથી જ આ ચૂંટણીમાં કોંગ્રેસ સંપૂર્ણ તાકાત લગાવશે તેવી અપેક્ષા હતી અને તેના માટે જીતવાની સંભાવના પણ વધુ માનવામાં આવી રહી હતી.

આ વખતની ચૂંટણીમાં એવું દેખાઈ રહ્યું છે કે ગુજરાતની જનતાનો એક વર્ગ ભાજપ સરકારથી નારાજ છે, એન એને ધ્યાને રાખીને જ ચૂંટણીના થોડા મહિના પહેલા જ ભાજપે પોતાની સરકારમાં મુખ્યમંત્રી સહિત તમામ મંત્રી મંડળમાં બદલાવ કરી દીધો હતો. પરંતુ ચૂંટણીની જાહેરાત બાદ કોંગ્રેસના પ્રચારમાં આ ચૂંટણીની સંભાવનાઓની પોતાના માટે અવસર બનાવવાની તૈયારી જોવામાં આવી નહીં. જ્યારે આ અંગે જયારે ગરમી વધવા લાગી તો પક્ષના વ્યૂહરચનાકારોએ તેને સાઇલેન્ટ પ્રચાર ગણાવ્યો. પરંતુ ગુજરાત ચૂંટણીના પ્રથમ તબક્કાનું મતદાન ખતમ થઈ ગયું છે અને બીજા તબક્કાનું મતદાન આગામી ત્રણ દિવસ પછી થવાનું ત્યારે પણ કોંગ્રેસ પ્રચાર કરી રહી નથી. કોંગ્રેસની આ સાઈલેન્ટ પ્રચારની રણનીતિ કોંગ્રેસના ચૂંટણી પ્રચારને નબળો અને વધુ નબળો સાબિત કરવા તરફ આગળ વધી રહી હોય તેવું લાગી રહ્યું છે.

કોંગ્રેસના ચૂંટણી પ્રચારમાં દમ ન હોવાનું સૌથી મોટું કારણ સ્વાભાવિક રીતે જ કોંગ્રેસના પૂર્વ અધ્યક્ષ રાહુલ ગાંધીની ગુજરાત ચૂંટણીથી દૂરીને માનવામાં આવે છે. વર્તમાન ચૂંટણી પ્રચાર દરમિયાન રાહુલ ગાંધીએ ભારત જોડો યાત્રામાંથી વિરામ લઈને માત્ર એક જ દિવસે બે રેલીઓ કરી. છેલ્લા તબક્કાના પ્રચારમાં બે દિવસ બાકી છે અને રાહુલનો બીજા તબક્કાનો કોઈ કાર્યક્રમ સામે આવ્યો નથી.

કન્યાકુમારીથી ભારત જોડો યાત્રા શરૂ કરવાના એક દિવસ પહેલા રાહુલે ગુજરાતમાં એક ચૂંટણી કાર્યક્રમમાં ભાગ લીધો હતો અને ત્યારે ચૂંટણીની તારીખો જાહેર થઈ ન હતી. ભારત જોડો યાત્રાના કારણે રાહુલ ચૂંટણી પ્રચારથી લગભગ દૂર જ છે, ત્યારે ગુજરાત ચૂંટણી માટે કોંગ્રેસના વરિષ્ઠ નિરીક્ષક તરીકે નિયુક્ત કરાયેલા રાજસ્થાનના મુખ્યમંત્રી અશોક ગેહલોત પક્ષના જ સચિન પાયલટ સાથે સીધી લડાઈમાં ફસાયા છે. ધારાસભ્યોના બળવા પછી કોંગ્રેસ અધ્યક્ષ પદની ઉમેદવારીમાંથી પોતાનું નામ પાછું ખેંચી લીધા બાદ ગેહલોતે ગુજરાતના ચૂંટણી પ્રવાસો કરવાનું ચાલુ રાખ્યું હતું, પરંતુ તેમણે રાજસ્થાનમાં પોતાની પકડ બનાવી રાખવા માટે સખત મહેનત કરવી પડી હતી.

રસપ્રદ વાત એ છે કે, 2017ની ગુજરાતની ચૂંટણીમાં, તે રાહુલ અને ગેહલોતની જોડી એ ચૂંટણીની રણનીતિનું સંચાલન કર્યું હતું અને છેલ્લા અઢી દાયકામાં પ્રથમ વખત, ભાજપને સખત ટક્કર આપીને કોંગ્રેસ બહુ ઓછા માર્જિનથી સત્તામાં આવવાથી રહી ગઈ હતી. અશોક ગેહલોત ત્યારે કોંગ્રેસના ગુજરાતના પ્રભારી મહાસચિવ હતા, પરંતુ આ ચૂંટણીમાં રાહુલ અને ગેહલોત બંનેની ભાગીદારી સાંકેતિક જ રહી છે. કોંગ્રેસના નવા અધ્યક્ષ મલ્લિકાર્જુન ખડગેએ ચૂંટણીના છેલ્લા દિવસોમાં તેમના આક્રમક પ્રહારો દ્વારા પાર્ટીના ચૂંટણી પ્રચારને વેગ આપવાનો પ્રયાસ કર્યો, પરંતુ તેમની પાસે એટલો સમય બચ્યો નથી કારણ કે 3 ડિસેમ્બરે ગુજરાતમાં ચૂંટણી પ્રચારનો ઘોંઘાટ ખતમ થઈ જશે.