પત્રકારોનો અભિનંદન સાથે આભાર વ્યક્ત કરતા જિલ્લા કલેકટર અશોક શર્મા

🔊 इस खबर को सुनें

Bhargav Joshi

રચનાત્મક અને વાસ્તવિક ચિત્રણ રજુ કરવા બદલ પોરબંદર જિલ્લાના બધા મીડીયા બંધુઓને અભિનંદન સાથે આભાર વ્યક્ત કરતા જિલ્લા કલેકટર અશોક શર્મા. અત્રે ઉલ્લેખનીય છે કે જિલ્લામાં શાંતિપૂર્ણ મતદાન થયું છે, ઉપરાંત મીડીયાને માહિતી સરળતાથી મળી રહે તે માટે વિશેષ વ્યવસ્થા કરવામાં આવી હતી જેનો શ્રેય જિલ્લા ચૂંટણીતંત્ર અને જિલ્લા કલેક્ટર અશોક શર્મા, પોલીસ વડા ડો. રવી સૈન, જિલ્લા નોડેલ ઓફિસર અને જિલ્લા વિકાસ અધિકારી નિનામાં, અધિક કલેક્ટર એમ કે જોશી, નાયબ જિલ્લા ચૂંટણી અધિકારી હેતલ જોશી અને એઆરો તેમજ પ્રાંત અધિકારી જાડેજાના ફાળે જાય છે ત્યારે સમગ્ર ટીમ વતી જિલ્લા કલેકટર અશોક શર્માએ પત્રકાર મિત્રોને સચોટ કવરેજ કરવા બદલ અભિનંદન પાઠવ્યા હતાં.

ગુજરાત વિધાનસભા સામાન્ય ચૂંટણીઓ-૨૦૨૨ અંતર્ગત પોરબંદર જિલ્લાના ૮૩- પોરબંદર તથા ૮૪- કુતિયાણા વિધાનસભા વિસ્તાર માટે તા.૧ ડિસેમ્બરના રોજ મતદાન યોજાયું હતું. આ કામગીરીમાં ચૂંટણીમાં રોકાયેલા સ્ટાફની સાથે સાથે મીડિયા કર્મચારીઓ પણ અલગ અલગ મતદાન મથકોનું કવરેજ કરતા હોય છે. અને લોકશાહીના આ પર્વમાં વધુને વધુ મતદારો જોડાઈ અને મતદાન કરે તેવી અપીલ કરવાની સાથે વરિષ્ઠ મતદારો, યુવા મતદારોની સ્ટોરી બનાવવી, ચૂંટણી તંત્ર સાથે આપસમાં સહકાર સાથે કામગીરી કરતા હોય છે. ત્યારે જિલ્લા કલેકટર શ્રી અશોક શર્માએ રચનાત્મક અને વાસ્તવિક ચિત્રણ બદલ બધા મીડીયા બંધુઓને અભિનંદન સહ આભાર વ્યક્ત કર્યો હતો.