પહેલા મતદાન પછી લગ્ન, આ કપલ્સે સાત ફેરા ફરતાં પહેલાં વોટિંગ કર્યું

🔊 इस खबर को सुनें

Bhargav Joshi

પ્રથમ તબક્કાનું મતદાન આજે સવારે 8 વાગ્યાથી શરૂ થયું છે. પ્રથમ તબક્કામાં 89 બેઠકો પર મતદાન પ્રક્રિયા ચાલી રહી છે. ત્યારે આજે ઘણા યુગલોએ સાચી નાગરિકતાનું ઉદાહરણ પૂરું પાડતાં લગ્ન હોવા છતાં પહેલા વોટિંગ કર્યું અને પછી સાત ફેરા ફર્યા.

ડો.જેનીસ વ્યાસે કહ્યું, પહેલા મતદાન પછી લગ્ન
જામનગરના ધુતારપર પ્રાથમિક આરોગ્ય કેન્દ્ર ખાતે તબીબ તરીકે ફરજો બજાવતા ડો.જેનીસ વ્યાસે પોતાના લગ્નમાં હાજરી આપતા પહેલા જામવંથલીના મતદાન મથક ખાતેથી મતદાન કરી એક જાગૃત નાગરિક તરીકેની પોતાની ફરજ નિભાવી હતી. સાથે સાથે તેઓએ અન્ય નાગરિકોને પણ અચૂક મતદાન કરવા અપીલ કરી હતી. અત્યારે મતદાનની સાથે સાથે લગ્ન સરાની મોસમ પણ શરૂ છે ત્યારે વર-વધુઓ લગ્ન પહેલાં મતદાન કરી લોકશાહીના આ પાવન પર્વને વધુ ઉજળો બનાવી રહ્યા છે

જેતપુરમાં ભૂતિયા સ્કુલ ખાતે ટાકુડીપરામાં રહેતાં શ્રેયાબેન વિઠ્ઠલભાઈ પાંભર અને તેમના ભાઈ સાવન વિઠ્ઠલભાઈ પાંભરએ આજે ભૂતિયા સ્કૂલ ખાતે બૂથ નંબર 192માં મતદાન કર્યું હતું. આ બંને બહેન ભાઈના આજે મંડપરોપણ છે અને બપોર પછી આ બંને બહેન ભાઈના લગ્ન થનાર છે. છતાં બંને ભાઈ-બહેન માંડવેથી સીધા મતદાન મથકે તેમના મતાઅધિકારનો ઉપયોગ કરવા આવ્યા હતા.