‘અભી ટાઇમ હૈ…’ જાડેજાએ શેર કર્યો બાળ ઠાકરેનો જૂનો વીડિયો

🔊 इस खबर को सुनें

najrana pathan

આજે ગુજરાતમાં વિધાનસભાની ચૂંટણીના પ્રથમ તબક્કાનું મતદાન છે. આ તબક્કામાં 89 બેઠકો પર મતદાન થઈ રહ્યું છે. ક્રિકેટર રવિન્દ્ર જાડેજાએ શિવસેનાના સંસ્થાપક બાળાસાહેબ ઠાકરેનો એક જૂનો વીડિયો શેર કર્યો છે. આ વીડિયોમાં બાળ ઠાકરે ગુજરાતીઓને ચેતવણી આપતા જોવા મળી રહ્યા છે. ઠાકરેએ આમાં કહ્યું હતું કે, નરેન્દ્ર મોદી ગયા તો ગુજરાત ગયું.

રવિન્દ્ર જાડેજાના પત્ની રીવાબા જામનગરની ઉત્તર બેઠક પરથી ભાજપના ઉમેદવાર છે. મતદાન પહેલા જાડેજાએ બાળાસાહેબનો આ જૂનો વીડિયો શેર કરીને લોકોને પોતાની પત્ની અને ભાજપને જીતાડવાની અપીલ કરી હતી. આ વીડિયોમાં બાળ ઠાકરે કહી રહ્યા છે કે ‘હું માત્ર એટલું કહેવા માંગુ છું કે નરેન્દ્ર મોદી ગયા એટલે ગુજરાત ગયા’.

રવિન્દ્ર જાડેજાના બહેન અને પિતાએ કોંગ્રેસ માટે પ્રચાર કર્યો
રીવાબા જામનગરની ઉત્તર બેઠક પરથી ભાજપના ઉમેદવાર છે. 2017માં ભાજપના ધર્મેન્દ્રસિંહ જાડેજા ચૂંટણી જીત્યા હતા. જો કે રીવાબાના સસરા અને ભાભીએ કોંગ્રેસના ઉમેદવાર માટે પ્રચાર કર્યો હતો. તેમના ભાભી નયનાબા જાડેજા કોંગ્રેસના છે.

જાણો જામનગર ઉત્તર બેઠકની રસપ્રદ વિગત
જામનગર ઉત્તર ગુજરાત વિધાનસભાની 182 બેઠકો પૈકી 78મા નંબરની બેઠક છે. આ બેઠક જામનગર જિલ્લામાં આવેલી છે અને તેની લોકસભા બેઠક જામનગર છે. જામનગરને છોટા કાશી કહેવામાં આવે છે. જામનગર ઉત્તર બેઠક એક સમયે જામનગર બેઠકનો ભાગ હતી.