રોડ શોથી ભાજપનું શક્તિ પ્રદર્શન મુખ્યમંત્રીનો અમદાવાદ અમરાઈવાડીમાં રોડ શો

🔊 इस खबर को सुनें

Bhargav Joshi

મુખ્યમંત્રી એ અમદાવાદમાં અમરાઈવાડી બેઠક પર રોડ શો કર્યો છે. પૂર્વ વિસ્તારમાં ભાજપનો આ બીજો રોડ શો છે. રોડ શોથી ભાજપનું શક્તિ પ્રદર્શન સતત સવારથી જ જોવા મળી રહ્યું છે. ભાજપ પ્રદેશ અધ્યક્ષ જેપી નડ્ડાનો આજે જમાલપુર ખાડીયા બેઠક પરથી રોડ શો થયો હતો ત્યારે આજે બપોર બાદ મુખ્યમંત્રીનો રોડ શો અમદાવાદથી યોજવામાં આવ્યો છે.
અમરાઈવાડીની બેઠક સતત બે ટર્મથી બીજેપી જ જીતતી આવી છે. વર્ષ 2012 કે વર્ષ 2017ની વાત કરવામાં આવે તો અહીંથી ભાજપ સતત જીતતું આવ્યું છે પરંતુ મોટી જીત અહીંથી નથી મળી રહી ત્યારે આ વખતે મોટી જીત મેળવવાની આશા સાથે બીજેપી દ્વારા પૂર્વ વિસ્તારમાં કમર કસવામાં આવી રહી છે.

ભાજપ દ્વારા પૂર્વની બેઠકો પર જીતની તૈયારી

પૂર્વમાં દરીયાપુર, દાણીલિમડા, જમાલપુર સહીતની બેઠકો પર ગત વખતે કોંગ્રેસે જીત મેળવી હતી ત્યારે આ વખતે પૂર્વમાં વધુ ફોકસ કરવામાં આવી રહ્યું છે. ત્યારે રોડ શો થકી પ્રચાર તેજ કરવામાં આવી રહ્યો છે.

2008માં અસ્તિત્વમાં આવી આ બેઠક 

અમરાઈવાડી બેઠકનો ઈતિહાસ જોઈએ તો વર્ષ 1962માં અમરાઈવાડી વિધાનસભા અસ્તિત્વમાં ન હતી. ત્યારે અમદાવાદ શહેરમાં માત્ર સાત વિધાનસભા બેઠકો હતી. જેમાં સાબરમતી એલિસબ્રિજ, દરિયાપુર-કાઝીપુર, અસારવા, જમાલપુર ખાડિયા, શહેર કોટરા અને ગોમતીપુરનો સમાવેશ થાય છે. અમરાઈવાડી વિધાનસભા બેઠક વર્ષ 2008માં નવા સીમાંકન બાદ અસ્તિત્વમાં આવી હતી.

ગત વખતના આ સમીકરણો 

2017માં આ વિધાનસભા બેઠક પરથી ભાજપના ઉમેદવાર હસમુખભાઈ પટેલ કોંગ્રેસના ઉમેદવાર અરવિંદસિંહ ચૌહાણને હરાવીને જીત્યા હતા. 2012ની વિધાનસભાની ચૂંટણીમાં પણ ભાજપના ઉમેદવાર હસમુખભાઈ પટેલનો વિજય થયો હતો અને કોંગ્રેસના ઉમેદવાર બિપીનભાઈ ગઢવીને હરાવ્યા હતા.  પૂર્વ અમદાવાદમાં આ મહત્વની બેઠક છે કેમ કે, અહીંથી પશ્ચિમની જેમ બહુમતી સાથે લીડ મળી નહોતી જેથી આ બેઠક પર ભવ્ય વિજય મેળવવાના હેસુતર પ્રયાસ ભાજપ દ્વારા કરવામાં આવી રહ્યા છે.