સેન્સેક્સ સાથે નિફ્ટી પણ નવી ઓલટાઇમ હાઇ સપાટીએ

🔊 इस खबर को सुनें

najrana pathan

વિવિધ સાનુકૂળ પરિબળો પાછળ ભારતીય શેરબજારના બે મુખ્ય ઇન્ડેક્સ સેન્સેક્સ અને નિફ્ટીએ આજે નવી ઓલટાઇમ હાઇ સપાટીની રચના કર્યા બાદ ઉંચા મથાળેથી પાછા ફર્યા હતા.

આંતરરાષ્ટ્રીય બજારમાં ક્રૂડના ભાવ ઘટી ૧૦ માસના તળિયે આવતા બારતના આયાત બિલમાં નોંધપાત્ર ઘટાડો થવાના અહેવાલોની સાથે વિદેશી રોકાણકારોએ પુનઃ ભારતીય શેરબજાર તરફ વળી નવી લેવાલી હાથ ધરતા બજારના માનસ પર સાનુકૂળ અસર થવા પામી હતી.

આ અહેવાલો પાછળ આજે વિદેશી રોકાણકારોની રાહબરી હેઠળ ફંડો અને ખેલાડીઓની નવી લેવાલી નીકળતા સેન્સેક્સ ઇન્ટ્રા ડે વધીને ૬૨૭૦૧.૪૦નો નવો ઇતિહાસ રચી કામકાજના અંતે ૨૧૧.૧૬ પોઇન્ટ વધી ૬૨૫૦૪.૮૦ની નવી ઉંચી સપાટીએ બંધ રહ્યો હતો.

નિફ્ટી પણ ઇન્ટ્રા ડે વધીને અગાઉની ૧૮૬૦૫ની સર્વોચ્ચ સપાટી કુદાવી ૧૮૬૧૪.૨૫ની નવી વિક્રમી સપાટીને સ્પર્શી અંતે ૫૦ પોઇન્ટ વધી ૧૮૫૬૨.૭૫ની નવી સપાટીએ બંધ રહ્યો હતો.