સૌમ્યા ટંડન સુનીલ શેટ્ટી સાથે જોવા મળશે સોનેરી પડદે !

🔊 इस खबर को सुनें

najrana pathan

‘ભાભી જી ઘર પર હૈ’ માં અનિતા ભાભીનું પાત્ર ભજવીને ઘર-ઘરમાં જાણીતી બનેલી સૌમ્યા ટંડન આ દિવસોમાં ચર્ચામાં છે. સૌમ્યા ટંડને ભલે ‘ભાભી જી ઘર પર હૈ’ ને અલવિદા કહી દીધું હોય. પરંતુ, તે સોશિયલ મીડિયા દ્વારા તેના ફેન્સ સાથે જોડાયેલી રહે છે. સૌમ્યા ટંડનના ચાહકો માટે વધુ એક સારા સમાચાર આવી રહ્યા છે. સૌમ્યા ટંડન ઘણા વર્ષો પછી બોલિવૂડ ફિલ્મ સાથે ફરી એકવાર મોટા પડદા પર કમબેક કરવા જઈ રહી છે. સૂત્રો દ્વારા મળતી માહિતી મુજબ, સૌમ્યા ફિલ્મ ‘ફાઈલ નંબર 323’માં જોવા મળશે.

સૂત્રોનું માનીએ તો સૌમ્યા ટંડન આ ફિલ્મમાં મહત્વની ભૂમિકામાં જોવા મળશે અને આ માટે તેણે શૂટિંગ શરૂ કરી દીધું છે. જો કે, હજુ સુધી આ વાતની સત્તાવાર પુષ્ટિ થઈ નથી. આ ફિલ્મમાં સુનીલ શેટ્ટી, એશા ગુપ્તા, દિવ્યા દત્તા, અનુરાગ કશ્યપ, મુગ્ધા ગોડસે જોવા મળશે. ક્રાઈમ ડ્રામા ‘ફાઈલ નંબર 323’ આજકાલ હેડલાઈન્સમાં છે. વાસ્તવમાં ‘ફાઈલ નંબર 323’ના નિર્માતાઓને તાજેતરમાં મેહુલ ચોક્સી તરફથી કાનૂની નોટિસ મળી છે. ફેમસ ફિલ્મ મેકર-એક્ટર રાહુલ મિત્રા પણ આ ફિલ્મમાં મહત્વની ભૂમિકામાં જોવા મળશે. ફિલ્મમાં રાહુલ મિત્રા સીબીઆઈના ચીફ કાઉન્સેલની મહત્વની ભૂમિકામાં જોવા મળશે. સૌમ્યા ટંડનની વાત કરીએ તો, તેણે ઘણી ટીવી સિરિયલોમાં અભિનય કરીને દર્શકોના દિલમાં એક ખાસ જગ્યા બનાવી છે. સૌમ્યાએ બોલિવૂડ ફિલ્મોમાં સહાયક ભૂમિકાઓ પણ ભજવી છે.  સૌમ્યા ટંડને કરીના કપૂર અને શાહરૂખ ખાન સાથે પણ કામ કર્યું છે. સૌમ્યાએ ફિલ્મ ‘જબ વી મેટ’માં કરીનાની બહેનની ભૂમિકા ભજવી હતી. 3 નવેમ્બર 1984ના રોજ મધ્યપ્રદેશના ભોપાલમાં જન્મેલી સૌમ્યા ટંડનને ટીવી શો ‘ભાભી જી ઘર પર હૈ’ થી ઓળખ મળી હતી. સૌમ્યા ટંડનનું ગોરી મેમનું પાત્ર ખૂબ જ પસંદ આવ્યું હતું અને આ માટે તેને ઘણા એવોર્ડ પણ મળ્યા છે. જોકે હવે સૌમ્યાએ આ શોને અલવિદા કહી દીધું છે.