આ વિશ્વ બધા માટે સલામત અને ન્યાયી રહે: રાજનાથ સિંહ

🔊 इस खबर को सुनें

Bhargav Joshi

દિલ્હીમાં ઈન્ડો-પેસિફિક રિજનલ ડાયલોગ-2022 દરમિયાન રક્ષામંત્રી રાજનાથ સિંહે કહ્યું કે, એક સારી દુનિયાનું નિર્માણ કરવાની અમારી નૈતિક જવાબદારી છે. આ વિશ્વ બધા માટે સલામત અને ન્યાયી રહે. રાજનાથ સિંહે કહ્યું કે, ભારતીય ફિલોસોફરોએ હંમેશા માનવ સમુદાયને રાજકીય સીમાઓથી બહાર ગણવામાં આવ્યા છે. તેમણે કહ્યું, હું માનું છું કે જો સુરક્ષિત વિશ્વ સામૂહિક પ્રયાસ બની જાય, તો આપણે વૈશ્વિક વ્યવસ્થા બનાવવાનું વિચારી શકીએ જે બધા માટે ફાયદાકારક હોય. રાજનાથે વધુમાં કહ્યું કે, વૈશ્વિક સમુદાય અનેક પ્લેટફોર્મ અને એજન્સીઓ દ્વારા આ દિશામાં કામ કરી રહ્યું છે અને આગળ વધી રહ્યું છે. સંયુક્ત રાષ્ટ્ર સુરક્ષા પરિષદ આમાં સૌથી આગળ છે.