ઓડિશા રેગિંગ: કૉલેજના વિદ્યાર્થી પાસે વિદ્યાર્થિનીને પરાણે કિસ કરાવી

🔊 इस खबर को सुनें

Bhargav Joshi

ઓડિશાના ગંજામ જિલ્લામાં રેગિંગ દરમિયાન એક સગીર વિદ્યાર્થિનીને પરાણે કિસ કરાવવાનો કિસ્સો પ્રકાશમાં આવ્યો છે. આરોપીઓએ રેગિંગ દરમિયાન એક ફ્રેશર યુવકને પીડિતાને કિસ કરવાનું કહ્યું અને તેને વિરોધ કરવા પર ગાળો ભાંડવામાં આવી હતી. એક વીડિયો સોશિયલ મીડિયામાં વાયરલ થયા બાદ ઘટનાનો ખુલાસો થયો છે. હાલ તો પોલીસે કાર્યવાહી કરીને 5 આરોપી વિદ્યાર્થીઓની ધરપકડ કરી છે.

આ અંગે પ્રાપ્ત વિગતો મુજબ, આ ઘટના ગંજામ જિલ્લાના બ્રહ્મપુરના બિનાયક આચાર્ય સરકારી કૉલેજની છે. સોશિયલ મીડિયામાં વાયરલ થયેલા વીડિયોએ સીનિયર વિદ્યાર્થીઓના કહેવા પર એક વિદ્યાર્થી પીડિત વિદ્યાર્થિનીને પરાણે કિસ કરતો જોઈ શકાય છે. આ દરમિયાન જેવી વિદ્યાર્થિની ચાલતી પકડે છે, ત્યારે એક આરોપી તેણીનો હાથ પકડી લે છે. જુનિયર વિદ્યાર્થીને રેગિંગનો વિરોધ કરવા પર ફટકારવામાં આવે છે. કોલેજ વહીવટી તંત્રએ રેગિંગમાં સામેલ વિદ્યાર્થીઓની ઓળખ કરી લીધી અને એન્ટી રેગિંગ સ્ક્વોડની ભલામણ બાદ 12 આરોપીઓને કોલેજમાંથી સસ્પેન્ડ કરી દેવામાં આવ્યાં છે. આ મામલે પોલીસે પણ કાર્યવાહી કરીને 5 આરોપીઓની અટકાયત કરી છે. જે પૈકી બે વિદ્યાર્થીઓ સગીર છે. ગ્રેજ્યુએશનના થર્ડ યરમાં અભ્યાસ કરનાર મુખ્ય આરોપી અભિષેક નાહકની પણ ધરપકડ કરવામાં આવી છે. તે અગાઉ પણ આવા જ એક કેસમાં જામીન ઉપર બહાર છે.

હાલ તો પોલીસે તમામ 12 આરોપી વિદ્યાર્થીઓના ફોન જપ્ત કરી લીધા અને તેને ફોરેન્સિક તપાસ માટે મોકલી દીધા છે. જ્યારે મુખ્ય આરોપીઓ વિરુદ્ધ પોક્સો એક્ટ સહિત અન્ય કલમો હેઠળ ગુનો નોંધીને આગળની કાર્યવાહી કરી છે.