કલ્યાણપુર તાલુકાના ગાગા ગામે બાળ સંસદ યોજાઈ

20/11/2022

1,258 Less than a minute

ગુજરાતમાં વિધાનસભા સામાન્ય ચુંટણી – ૨૦૨૨ની જાહેરાત ભારતના ચુંટણી પંચ દ્વારા કરવામાં આવી છે. ત્યારે વધુમાં વધુ મતદારો મતદાન કરી લોકશાહીના આ અવસરમાં ભાગીદાર થાય તે માટે જિલ્લા ચુંટણી શાખા દ્વારા મતદાન જાગૃતિ કાર્યક્રમો યોજવામાં આવી રહ્યા છે. શાળા કક્ષાએથી લોકશાહીનો ખરો અર્થ સમજે તથા સમગ્ર ચૂંટણી પ્રક્રિયા અને ચૂંટણી પ્રક્રિયામાં એક મતનું શું મૂલ્ય છે તેનાથી વાકેફ થાય તે હેતુથી કલ્યાણપુર તાલુકાના ગાગા ગામની પ્રાથમિક શાળામાં બાળ સંસદનું આયોજન કરવામાં આવ્યું હતું.

લોકશાહીમાં ચૂંટણી પ્રકિયાનું અનેરું મહત્વ છે. દેશનાં નાગરિકો ચૂંટણીની પ્રક્રિયા બાબતે જેટલાં જાગૃત બને તેટલી જ લોકશાહી મજબૂત બને. ત્યારે શાળામાં અભ્યાસ કરતા બાળકો પણ લોકશાહીનાં ભાવિ મતદાર છે. અને બાળકોએ અન્ય લોકોને પણ મતદાન કરવા માટે પ્રેરણા આપી હતી.

હર્ષદપુરમાં BLO એ રંગોળી બનાવી અચુક મતદાન કરવા આપ્યો સંદેશ

ગુજરાત વિધાસભા સામાન્ય ચુંટણી – ૨૦૨૨ની ભારતના ચુંટણીપંચ દ્વારા જાહેરાત કરવામાં આવી છે. જે મુજબ દેવભૂમિ દ્વારકા જિલ્લામાં તા. ૧ ડિસેમ્બરના રોજ મતદાન થનાર છે. ત્યારે જિલ્લામાં મતદારોમાં મતદાન પ્રત્યે જાગૃતિ લાવવા જિલ્લા વહીવટી તંત્ર કાર્યરત છે. નવી વાડી પ્રા.શાળા, હર્ષદપુરમાં ફરજ બજાવતા બીએલઓ દર્શનભાઈ બુદ્ધભટ્ટી દ્વારા અવસર લોકશાહી અંતર્ગત રંગોળી બનાવીને તમામ મતદારો ને આગામી વિધાનસભા સામાન્ય ચુંટણીમાં અચૂક મતદાન કરવા મતદાન જાગૃતિ સંદેશ આપવામાં આવ્યો હતો.