ઉ.કોરિયા એ મિસાઈલ છોડીને અમેરિકાને આપી ધમકી

🔊 इस खबर को सुनें

Bhargav Joshi

ઉત્તર કોરિયાએ યુનાઇટેડ સ્ટેટ્સને નિશાન બનાવવા માટે રચાયેલ શંકાસ્પદ લાંબા અંતરની મિસાઇલ છોડી દીધી હતી. દક્ષિણ કોરિયા અને જાપાને આ માહિતી આપી હતી. દક્ષિણ કોરિયા અને જાપાન સાથેના જોડાણને મજબૂત કરવાના યુએસ પ્રયાસોના વિરોધમાં ઉત્તર કોરિયાએ તેની પરીક્ષણ પ્રવૃત્તિઓ ફરી શરૂ કર્યા પછી આ પ્રક્ષેપણ થયું. દક્ષિણ કોરિયાના ‘જોઈન્ટ ચીફ્સ ઓફ સ્ટાફ’એ એક નિવેદનમાં જણાવ્યું કે ઉત્તર કોરિયાના પૂર્વ કિનારે બેલેસ્ટિક મિસાઈલ છોડવામાં આવી હોવાનું જાણવા મળ્યું હતું

દક્ષિણ કોરિયાએ ઈમરજન્સી બેઠક બોલાવી

દક્ષિણ કોરિયાના રાષ્ટ્રપતિ કાર્યાલયે ઉત્તર કોરિયાના પ્રક્ષેપણ અંગે ચર્ચા કરવા માટે એક તાત્કાલિક સુરક્ષા બેઠક બોલાવી છે. જાપાનના સંરક્ષણ પ્રધાન યાસુકાજુ હમાદાએ જણાવ્યું હતું કે, “ઉત્તર કોરિયા આ વર્ષે સતત મિસાઇલો છોડી રહ્યું છે, અને તેના કારણે કોરિયન દ્વીપકલ્પમાં તણાવ વધી રહ્યો છે.”

અગાઉ, ઉત્તર કોરિયાના વિદેશ પ્રધાન ચો સોન-હે એ ધમકી આપી હતી કે તે પ્રદેશમાં તેના સહયોગીઓ – દક્ષિણ કોરિયા અને જાપાનની સુરક્ષા માટે યુએસની મક્કમ પ્રતિબદ્ધતાના જવાબમાં “મજબૂત” લશ્કરી કાર્યવાહી શરૂ કરશે