સૌરાષ્ટ્ર યુનિવર્સિટી BBA અને B.COM સેમેસ્ટર 5ના પેપર કાંડને લઈને NSUIનો વિરોધ

🔊 इस खबर को सुनें

Bhargav Joshi

રાજકોટની સૌરાષ્ટ્ર યુનિવર્સિટીમાં થયેલા પેપરલીકના 35 દિવસ પછી પણ કોઈ કાર્યવાહી કે ફરિયાદ કરવામાં ન આવતા આજે યુથ કોંગ્રેસ અને NSUI દ્વારા સૌરાષ્ટ્ર યુનિવર્સિટીના કુલપતિને ઉગ્ર રજૂઆત કરવામાં આવી હતી અને લેખિતમાં ફરિયાદ કરવાની માગ સાથે સુત્રોચાર પર કરવામાં આવ્યા હતા. આ મામલે સૌરાષ્ટ્ર યુનિવર્સિટીના સત્તાધીશોએ હજુ સુધી ફરિયાદ ન નોંધાવી હોવાથી સત્તાધીશોને બંગડી આપીને અનોખો વિરોધ નોંધાવ્યો હતો. આ મામલે યુનિવર્સિટીના સત્તાધીશોએ આવતીકાલે પોલીસ ફરિયાદ કરવાની યુનિવર્સિટી દ્વારા લેખિતમાં બાંહેધરી આપવામાં આવી છે.

કોંગ્રસના પ્રવક્તા અને વિદ્યાર્થીનેતા રોહિતસિંહ રાજપૂતે જણાવ્યું હતું કે યુનિવર્સિટીના સત્તાધીશોને આજે પેપરલીક મામલે ઉગ્ર રજુઆત કરવામાં આવી છે. આ મામલે 35 દિવસ જેટલો સમય વીતી ગયો હોવા છતાંપણ યુનિવર્સટીના સત્તાધીશોનું પેટમાં પાણી પણ હલતું નથી ત્યારે આજે અમે એક સ્પષ્ટ માગણી સાથે ગયા હતા કે આ મામલે લેખિતમાં બાંહેધરી આપવામાં આવે. અને યોગ્ય ફરિયાદ કરવામાં આવે અને જો ફરિયાદ કરતા અચકાતા હોય અને કોઈને ડર લાગતો હોય તો તેઓ બંગડી પહેરી લે તેમ કહી બંગડી આપી હતી.

નોંધનીય છે કે આ અગાઉ સૌરાષ્ટ્ર યુનિવર્સિટીના કુલપતિ અને પોલીસ કમિશનરને રૂબરૂ મળીને રજૂઆત કરવામાં આવી હતી જો કે પોલીસ કમિશનરે જવાબ આપતા કહ્યું હતું કે યુનિવર્સિટીના સત્તાધીશો ફરિયાદ કરે તો અમે ફરિયાદ લેવા તૈયાર હતા અને અત્યારે પણ તૈયાર છે કોઈ ફરિયાદી  જ ના બને તો પોલીસ કરી રીતે ફરિયાદ દાખલ કરે ?

સૌરાષ્ટ્ર યુનિવર્સિટીમાં ગત મહિનાની 13મી તારીખે BBA અને B.COM સેમેસ્ટર 5નું એક એક પેપર લીક થવાની ગંભીર ઘટના બની હતી. આ પેપર લીક થતા હજારો વિદ્યાર્થીઓનું ભાવી જોખમાયું હતું અને આ પરીક્ષાનું પેપર ફરીથી એવું પડ્યું હતું. આ કૌભાંડમાં ભાજપના નેતાનું નામ હોવાનો FSL  રિપોર્ટમાં ઘટસ્ફોટ થતા જ પોલીસે તપાસ પડતી મૂકી દીધી હતી.