ઈડીએ સંજય રાઉતના જામીનનો વિરોધ કરતી અરજી હાઈ કોર્ટમાં કરી

🔊 इस खबर को सुनें

Bhargav Joshi

પતરા ચાલ પુનર્વિકાસ  આર્થિક ગેરવ્યવહાર પ્રકરણે મની લોન્ડરિંગના કેસમાં ૧૦૦ દિવસ જેલવાસ ભોગવ્યા બાદશિવસેનાના સાંસદ સંજય રાઉતને અપાયેલા જામીન  સામે  એન્ફોર્સમેન્ટ ડિરેક્ટોરેટે હાઈ કોર્ટમા ંસુધારિત અરજી કરી છે.ઈડીની સુધારિત અરજીની સુનાવણી ૨૫ નવેમ્બરે થશે.

ન્યા. ભારતી ડાંગરેની બેન્ચે ઈડીને તેની અરજી સુધારવા માટે પરવનાગી આપી હતી કેમકે અરજી કરી ત્યારે વિશેષ કોર્ટે આપેલો જામીન આદેશ ઈડી પાસે ઉપલબ્ધ નહોતો. આદેશમાં વિશેષ કોર્ટે કરેલી અયોગ્ય ટિપ્પણીઓને પડકારાયઈ હોવાથી ઈડીે તાત્કાલિક સુનાવણી માગી હતી પરંતુ કોર્ટે એક-બે દિવસના વિલંબમાં કંઈ વાંધો નહીં આવે એમ જણાવ્યું હતું.   સંજય રાઉત ઉપરાંત પ્રવીણ રાઉતને અપાયેલા જામીનના આદેશને પણ ઈડીએ પડકાર્યો છે.

એજન્સીએ તાકીદે વચગાળાનો સ્ટે આપવાની માગ કરી હતી. ન્યા. ડાંગરેએ જોકે બુધવારે તમામ પક્ષકારોની બાજુ સાંભળ્યા વિના સ્ટે ઓર્ડર આપવાનો ઈનકાર કર્યો હતો.

ઈડીએ અરજીમાં જણાવ્યું છે કે વિશેષ કોર્ટેનો આદેશ કાયદાની દ્રષ્ટીએ અયોગ્ય છે અને રદ કરવા પાત્ર છે. ઈડીએ રજૂ કરેલા પુરાવા ઘ્યાનમાં લેવાયા નથી. વિશેષ કોર્ટે આદેશમાં ઘણી અયોગ્ય ટિપ્પણીઓ કરી છે જેને પડકારવી જરૃરી છે. મની લોન્ડરિંગનો ગુનો આર્થિક પ્રકારનો ગુનો છે અને સુનિયોજીત રીતે કરવામાં આવેલું હીચકારું કૃત્ય છે. હત્યા અને આતંકવાદથી પણ ગંભીર છે એમ એજન્સીએ અરજીમા ંજણાવ્યું હતું.