મારાડોનાના ‘હેન્ડ ઓફ ગોડ’ મેચનો ફૂટબોલ હરાજીમાં કરોડમાં વેચાયો

🔊 इस खबर को सुनें

najrana pathan

આર્જેન્ટીનાના ફૂટબોલ લેજન્ડ મારાડોનાએ ૧૯૮૬ના વર્લ્ડકપની ક્વાર્ટર ફાઈનલમાં ઈંગ્લેન્ડ સામે વિવાદિત ‘હેન્ડ ઓફ ગોડ’ ગોલ ફટકાર્યો હતો. આખરે તે મેચમાં આર્જેન્ટીના જીત્યું હતુ. મારાડોનાએ જે બોલ વડે હેન્ડ ઓફ ગોડ ગોલ ફટકાર્યો હતો, તેના હરાજીમાં આશરે ૨૦ કરોડ રૃપિયા (૨૦ લાખ પાઉન્ડ) ઉપજ્યા હતા.

મારાડોનાએ હેડર ગોલ ફટકારતો હોય તેવો દેખાવ કરતાં વિવાદિત રીતે હાથ વડે બોલને ઈંગ્લેન્ડના ગોલમાં મોકલી આપ્યો હતો. રેફરીનું ધ્યાન પણ તે તરફ ગયું નહતુ અને તે ગોલને માન્ય રાખવામાં આવ્યો હતો. આ પછી તેણે ક્લાસિક પર્ફોમન્સ આપતાં બીજો ગોલ ફટકાર્યો હતો અને આખરે આર્જેન્ટીના તે મેચ જીત્યું હતુ. ત્યાર બાદ વર્લ્ડ ચેમ્પિયન પણ બન્યું હતુ.

ફૂટબોલ વર્લ્ડકપના ઈતિહાસની સૌથી વિવાદિત મેચનો બોલ તે મેચના ટયુનિશિયાના રેફરી અલી બિન નાસેરની પાસે હતો. તેમણે જ તેને હરાજીમાં મૂક્યો હતો. આ બોલના હરાજીમા ૨૫ લાખ પાઉન્ડ કે ૩૦ લાખ પાઉન્ડ ઉપજે તેવી અપેક્ષા રાખવામાં આવતી હતી.

નોંધપાત્ર છે કે, મારાડોનાએ તે મેચમાં પહેરેલી જર્સીના હરાજીમાં આશરે ૭૧ લાખ પાઉન્ડ (આશરે ૬૯ કરોડ રૃા.) ઉપજ્યા હતા. મારાડોનાની જર્સી તે મેચમાં રમેલા ઈંગ્લેન્ડના સ્ટીવ હોજ પાસે હતી.