2023માં કેપિટલ ગેઈન ટેક્સમાં ફેરફાર

🔊 इस खबर को सुनें

Bhargav Joshi

ભારતીય શેરમાર્કેટને ચાર વર્ષ અગાઉ ઝંઝોળી નાખનાર એલટીસીજી ટેક્સ અંગે આગામી બજેટમાં સરકાર મોટો નિર્ણય લઈ શકે છે. ભારતમાં આગામી બજેટમાં કેપિટલ ગેઇન ટેક્સમાં ફેરફાર અપેક્ષિત છે.

ભારતના નાણા મંત્રાલયના આવકવેરા અધિકારીએ નવી દિલ્હીમાં એક કાર્યક્રમમાં જણાવ્યું હતું કે ભારત નાણાકીય વર્ષ ૨૦૨૩માં પ્રત્યક્ષ કર વસૂલાત માટેના બજેટ અંદાજ કરતાં ૨૫-૩૦% વધી જશે.

અગાઉના એક અહેવાલ અનુસાર મોદી સરકાર રેવન્યુ કલેક્શનના તફાવતને સુધારવા અને કલ્યાણકારી યોજનાઓ પર ખર્ચ વધારવા માટે આગામી બજેટમાં કેપિટલ ગેઇન ટેક્સ માળખામાં સુધારો કરશે.

નાણા મંત્રાલયમાં હાલ એક મુદ્દા અંગે ચર્ચા થઈ રહી છે કે કેપિટલ માર્કેટમાંથી કમાવાતી પરોક્ષ આવક પર બિઝનેસમાંથી થતી આવક કરતાં ઓછા દરે ટેક્સ લાગવો જોઈએ નહીં. આ યોજનાનું મૂળ કેન્દ્ર સરકારના કલ્યાણવાદના વિચારમાં પણ છે, જેના માટે આવક વધારવાની જરૂર છે.

હાલમાં લોંગ ટર્મ કેપિટલ ગેઈન પર સામાન્ય રીતે ૨૦% ટેક્સ લાગે છે. ભારતમાં ૧ લાખની થ્રેશોલ્ડથી ઉપરના આવા લાભના હિસ્સા પર એક વર્ષથી વધુ સમય માટે રાખવામાં આવેલ લિસ્ટેડ ઇક્વિટી પર લાંબા ગાળાના મૂડી લાભો પર ૧૦% કર લાદવામાં આવે છે. આ જોગવાઈ ૧ એપ્રિલ, ૨૦૧૯થી લાગુ કરવામાં આવી હતી.

એક વર્ષથી ઓછા સમય માટે રાખવામાં આવેલ લિસ્ટેડ ઈક્વિટી પર શોર્ટ ટર્મ કેપિટલ ગેઈન પર લિસ્ટેડ શેરના કિસ્સામાં ૧૫% અને જો તે અનલિસ્ટેડ હોય તો લાગુ પડતા ટેક્સ સ્લેબ પર ટેક્સ લાગે છે.