MCD Election AAP નેતાનો હાઈવૉલ્ટેજ ડ્રામા

🔊 इस खबर को सुनें

Bhargav Joshi

દિલ્હી મ્યુનિસિપલ કોર્પોરેશન (MCD) ચૂંટણીમાં જે કાર્યકર્તાઓને પાર્ટી તરફથી ટિકિટ નથી મળી, હવે તેમની નારાજગી સામે આવી રહી છે. આમ આદમી પાર્ટી તરફથી ટિકિટ ના મળવાથી નારાજ પૂર્વ નોમિનેટેડ કોર્પોરેટર હસીબ ઉલ હસન હાઈટેન્શન વાયરના ટાવર પર ચડી ગયા હતા.

હસીબ ઉલ હસને આપ નેતાઓ પર ગંભીર આરોપ લગાવતા જણાવ્યું કે, આમ આદમી પાર્ટીના નેતાઓએ મને દગો આપ્યો છે. આખરી સમયે મારી ટિકિટ કાપવામાં આવી છે.

આપના પૂર્વ કોર્પોરેટર હસીબ-ઉલ-હસનના શાસ્ત્રી પાર્ક મેટ્રો સ્ટેશન નજીક એક ટ્રાન્સમિશન ટાવર પર ચડવાની જાણ થતાં ઘટના સ્થળે સ્થાનિકોના ટોળા ઉમટી પડ્યા હતા. આ બાબતની જાણ થતાં પોલીસ અને ફાયર બ્રિગેડનો કાફલો ઘટના સ્થળે પહોંચ્યો હતો અને આપ નેતાને નીચે ઉતાર્યા હતા.

ટાવરથી નીચે ઉતર્યા બાદ પૂર્વ કોર્પોરેટર હસીબ ઉલ હસને 3 આમ આદમી પાર્ટીના નેતાઓ પર આરોપ લગાવ્યો છે કે, સંજય સિંહ, દુર્ગેશ પાઠક અને આતિશી ત્રણેય ભ્રષ્ટ છે, તેમણે 2-3 કરોડ રૂપિયામાં ટિકિટ વેચી છે.