મોડી સાંજે મહિલા કર્મીઓને કામ સબબ રોકાવાની ફરજ ન પાડવાનો નિયમ અમલમાં હોવા છતાં પોરબંદર જીલ્લા સેવાસદન-૧ અને ૨ માં ઓફીસ છૂટવાના સમય બાદ પણ મહિલા કર્મીઓને રોકવામાં આવી રહી છે, આ બાબતે અગાઉ આંદોલનો પણ થયા હોવા છતાં કેટલાક સરકારી અધિકારીઓ જાણી જોઇને નિયમોને નેવે મૂકી રહ્યા છે
ભારતીય જનતા પાર્ટીના રાષ્ટ્રીય અધ્યક્ષ જેપી નડ્ડાએ આજે હિમાચલ પ્રદેશના વિજયપુરમાં મતદાન કર્યું છે.
હમીરપુર જિલ્લાના નાદૌન વિધાનસભા ક્ષેત્રના પખરોલ મતદાન મથક પર EVM મશીન બગડ્યું હોવાના સમાચાર છે. અહીં લગભગ 40 મિનિટથી મતદાન અટક્યું છે.મતદારો લાઈનમાં ઉભા રહીને રાહ જોઈ રહ્યા છે. લોકો ચૂંટણી પંચની કામગીરી પર સવાલ ઉઠાવી રહ્યા છે. અહીં અત્યાર સુધીમાં 107 મતદારોએ તેમનો મત આપ્યો છે. અધિકારીએ કહ્યું કે VVPAT મશીનમાં ટેકનિકલ ખામીને કારણે પ્રક્રિયા બંધ થઈ ગઈ છે, જેને ટૂંક સમયમાં સુધારવામાં આવશે.
હિમાચલ પ્રદેશમાં સવારે 9 વાગ્યા સુધી 4.36% મતદાન નોંધાયું છે. શિમલામાં 4.36%, કાંગડામાં 3.76%, સોલનમાં 4.90%, ચંબામાં 2.64%,હમીરપુરમાં 5.61%, સિરમૌરમાં 4.89%. કુલ્લુમાં 3.74%, લાહૌલ સ્પીતિમાં 1.56%, ઉનામાં 4.23%, કિન્નૌર, મંડીમાં 2.50% બિલાસપુરમાં 6.24% અને 2.35% મતદાન નોંધાયું છે.
ચંબા જિલ્લાના પાંગીના પુરથી મતદાન મથક પર સવારે આઠ વાગ્યે EVM મશીનમાં ખરાબીની ફરિયાદ મળી હતી. મતદાન એક કલાક મોડું શરૂ થયું હતું.
કોંગ્રેસના સાંસદ આનંદ શર્માએ શિમલામાં સૈનિક રેસ્ટ હાઉસ લોંગવુડ પોલિંગ બૂથ પર પોતાનો મત આપ્યો. મતદાન કર્યા બાદ આનંદ શર્માએ કહ્યું કે જનતાનો મૂડ બદલાવ લાવવાનો છે. હિમાચલમાં કોંગ્રેસ પૂર્ણ બહુમતી સાથે સરકાર બનાવશે.