હિમાચલની મત ગણતરી 8 ડિસેમ્બરના રોજ થશે

🔊 इस खबर को सुनें

Bhargav Joshi

હિમાચલ પ્રદેશની તમામ 68 વિધાનસભા બેઠકો માટે આજે 12 નવેમ્બરે ચૂંટણી યોજાવા જઈ રહી છે. મતદાન સવારે 8:00 વાગ્યાથી શરૂ થઈ ચૂક્યુ છે અને સાંજે 5:00 વાગ્યા સુધી ચાલશે. આ વખતે રાજ્યના 55,92,828 મતદારોના ભાવિ આજે EVMમાં કેદ થશે. ચૂંટણી જંગમાં ઉતરેલા 412 ઉમેદવારોનું રાજકીય ભાવિ ઘડશે. જેમાં 24 મહિલાઓનો સામેલ છે. હિમાચલની મત ગણતરી 8 ડિસેમ્બરના રોજ થશે.

હિમાચલ પ્રદેશમાં 67,559 સેવા મતદારો, 22 વિદેશી ભારતીય મતદારો અને 55,25,247 સામાન્ય મતદારો છે. રાજ્યમાં પુરૂષો કરતા મહિલા મતદારોની સંખ્યા વધુ છે. જેમાં 28,54,945 મહિલાઓ, 27,37,845 પુરૂષો અને 38 થર્ડ ઝેંડર મતદારો છે. પાસપોર્ટની વિગતો મુજબ લોક પ્રતિનિધિત્વ અધિનિયમ હેઠળ મતદાર યાદીમાં સમાવિષ્ટ વિદેશી મતદારોએ મતદાન માટે અસલ પાસપોર્ટ બતાવવો પડશે.

હિમાચલ પ્રદેશની તમામ 68 વિધાનસભા બેઠકો માટે મતદાન શરૂ થઈ ગયું છે. હિમાચલ પ્રદેશ કોંગ્રેસ અધ્યક્ષ પ્રતિભા સિંહે કહ્યું કે, હિમાચલના તમામ લોકો આજે મતદાનને લઈને ખૂબ જ ઉત્સાહિત છે. તેઓ બધા આજે મતદાન કરશે અને હિમાચલ પ્રદેશમાં નવી સરકાર બનાવવામાં મદદ કરશે.