પત્રકારો પર હુમલાઓ સરેઆમ બની રહ્યા છે ત્યારે પોરબંદરના યુવા પત્રકાર ઋષિ થાનકી પર હુમલો થયાના સમાચાર આવી રહ્યા છે, પોરબંદરમાં આરટીઆઈ એક્વીટીસ્ટ તરીકે પંકાયેલા પ્રફુલ દતાણીએ આ હુમલો કર્યો હોવાનું જાણવા મળી રહ્યું છે. પોરબંદર કમલાબાગ પોલીસે ૪૦ લાખની ખંડણીના એક કેસમાં પ્રફુલ ની અટકાયત કરી હતી ત્યારે કવરેજ અર્થે ઋષિ થાનકી શુટીંગ કરતા હતા ત્યારે આ ઘટના ઘટી છે.
પોરબંદરમાં ટાઉન પ્લાનિંગ ના સળગતા મુદ્દામાં ટાઉન પ્લાનિંગ ચેરમેન પાસે ખંડણી સ્વરૂપે પૈસા માંગ્યા હોવાની ફરિયાદના કામે વધુ વિગતો એકત્ર કરવા પોલીસે પ્રફૂલની અટકાયત કરી હતી, ત્યારે જ ઘટના આ ઘટતા પત્રકારોમાં રોષની લાગણી ફેલાઈ છે, પત્રકાર ઋષિ થાનકીએ પણ પોલીસને અરજી આપી હોવાથી પોલીસ હવે બેવડે મુદ્દે તપાસ કરી રહી છે.